2 Corintios 6
6
1Qamkuna yanapaq kasqaykuraykum ruegakamuykiku, amayá Diospa kuyakuynintaqa yanqaqa chaskiychikchu. 2#Is 49.8.Paymi nin:
“Chaskina tiempopim uyarirqayki,
salvanay punchawpim yanaparqayki”, nispa.
Kunanqa chaskina tiempoñam, kunanqa salvanan punchawñam.
3Imapas ruwasqaykuwanqa manam pitapas urmachiyta munanikuchu, chaynapi llamkasqayku mana penqaypi kananpaq. 4Aswanqa lliwpim Dios serviq kasqaykuta qawachikuniku, pacienciakuspa, ñakarispa, muchuykunapi kaspa, sasachakuykunata aguantaspa, 5#Hch 16.23.azotesqa, carcelasqa, chaqwakunapi, sasa llamkaypi, mana puñusqa hinaspa yarqaymanta. 6Chaynataq chuyanchakuspayku, cheqap kaqta reqsispayku, pacienciakuspayku, sumaq sonqo kaspayku, Chuya Espirituyuq kaspayku, cheqapta kuyaspayku, 7cheqapta willakuspayku hinaspa ichoqmanpas alleqmanpas Diospa atiyninwan allin kaqta ruwaspa defiendekuniku. 8Hukpim alabasqa kaniku, hukpiñataqmi cheqnisqa, hukpim ñoqaykumanta allinta rimanku, hukpiñataqmi mana allinta, cheqapta rimachkaptiykupas llullakuqpaqmi hapiwanku. 9Reqsisqa kachkaptiykupas mana reqsisqapaqmi hapiwanku, wañusqapaqñam hapiwanku, ichaqa kawsachkanikuraqmi, maqawaptinkupas manaraqmi wañunikuraqchu. 10Llakisqallaña kaspapas llumpay kusisqalla kaniku, wakcha kaspapas achkaqtam apuyachiniku, mana imayuq kachkaptiykupas tukuy imaykum kapuwachkanku.
11Corintopi kaq wawqe-panikuna, sonqoykuta kicharispam kaytaqa cheqap kaqta nimuykiku. 12Ñoqaykuqa tukuy sonqoykuwanmi kuyaykiku, qamkunam ichaqa mana chaynatachu kuyawankiku. 13Imaynam churinta huk tayta ruegachkaq hinam ruegakuykichik, imaynam kuyasqayman hinayá qamkunapas sonqoykichikta kichariwaychik.
Iñiqkunapi kawsaq Diospa yachasqanmanta
14Amayá kuskanchakuychikchu Señorpi mana iñiqkunawanqa, mana tupaqnintin yunta watarusqa hinam kawaqchik. Allin ruwaqqa manam kuskanchakunmanchu huchallapi puriqkunawanqa, nitaqmi achkiypas kuskanchakunmanchu tutayaymanqa. 15Cristoqa manam diablowanqa hukllawakunmanchu, nitaqmi Diospi iñiqpas mana iñiqwanqa hukllawakunmanchu. 16#1 Co 3.16; 6.19.#Lv 26.12; Ez 37.27.Diospa templonwan idolokunapa templonqa manam kaqkamallaqa kanmanchu. Ñoqanchikqa kawsaq Diospa templonmi kanchik, kikin Diosmi nirqa:
“Paykuna ukupim yachasaq,
paykuna ukupim purisaq,
paykunapa Diosninmi kasaq,
paykunañataqmi llaqtay kanqaku”, nispa.
17 #
Is 52.11. Señorqa nintaqmi:
“Paykuna ukumantayá lloqsiychik,
paykunamantayá sapaqchakuychik,
amayá millakuypaq kaqkunataqa hapiychikchu.
Hinaptinqa qamkunataqa chaskisqaykichikmi.
18 # 2 S 7.14; 1 Cr 17.13. Ñoqam qamkunapaq Taytaykichik kasaq,
qamkunañataqmi churiykuna kankichik.
Tukuy Atiyniyuq Señormi chaynata nin”.
Currently Selected:
2 Corintios 6: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
