2 Corintios 11
11
Llulla apostolkunamanta
1Loco hina rimasqaykunatayá aguantaykuwankichik. ¡Arí, aguantaykuwaychikyá! 2Diospa sientisqanman hinam qamkunamanta sientikichik. Chullalla qariwan casarakuq mana qari reqsiq sipasta hinam Cristoman presentanaypaq prometekurqaykichik. 3#Gn 3.1-5, 13.Ichaqa engañasqa kanaykichikmantam manchakuchkani, maqta urum sakrillaña kasqanrayku Evata engañarurqa, chaynam qamkunapas Cristoman chuya sonqo kasqaykichikmanta pantachisqa kawaqchik. 4Ichapas hukkaqnin hamuspan willasunkichikman mana ñoqaykupa willasqayku Jesusmanta otaq mana chaskisqaykichik espiritumanta otaq hukpa sutinpi salvakuymanta hinaptinqa qamkunaqa chayllachusmi chaskikuykuwaqchik. 5Chay qepay hamuq hatu-hatun apostolkunamantaqa manam menoschu kani. 6Nanay simi kaptiypas yachayniyqa manam chaynachu, chaytaqa tukuy ima ruwasqaykuwanmi qawachirqaykichik.
7¿Mana imallapaq allin noticiata qamkunaman willaspayqa huchallikurqanichu? chaynata ruwaspayqa humillakurqani qamkuna hatunchasqa kanaykichikpaqmi. 8Wakin iglesiakunatam wakchayachirqani, paykunamanta pagoyta chaskispay qamkunata servinaypaq. 9#Flp 4.15-18.Qamkunawan kachkaptiy qollqey tukuruptinpas manam mañakurqaykichikchu, aswanqa Macedonia lawpi kaq wawqe-panikunam apachimuwarqaku. Manam qamkunamantaqa imatapas mañakurqaykichikchu nitaqmi mañakusqaykichikpaschu. 10Ñoqapi kaq Cristopa cheqap palabranraykum nikichik: Acaya lawpipas kay alabakusqaymantaqa manam upallachiwanqakuchu. 11¿Imanasqataq kaynataqa rimachkani? ¿Qamkunata mana kuyaspaychu? Diosmi yachan qamkuna kuyasqaytaqa.
12Kay ruwasqaytaqa aswanraqmi ruwasaq, chaynapi ñoqaykuta qatipakuspa alabakuqkuna ama hatunchakunankupaq. 13Paykunaqa llulla apostolkunam, engañowan llamkaspam Cristopa apostolnin tukunku. 14Kayqa manam admirakunapaqchu, Satanaspas kancharichkaq angelmanmi tikrakun. 15Chaynam Satanaspa serviqninkunapas, allin servikuqkunamanraq tikrakunku, ichaqa huk punchawmi imam ruwasqankuman hina castigasqa kanqaku.
Apóstol Pablota tukuy ima pasasqanmanta
16Yapatawanmi nikichik: Amayá locopaqqa hapiwaychikchu, chaynapaqña hapiwaspaykichikpas chaskiykuwaychikyá, chaynapi ñoqapas tumpatallatapas alabakunaypaq. 17Alabakuspayqa manam Señorpa munasqanman hinachu rimani, aswanqa loco hinam rimani. 18Achkaqmi aychaman hina alabakunku chaynaqa ñoqapas alabakusaqyá. 19Qamkunaqa yachayniyuq kachkaspam kusikuywanraq locokunata uyarinkichik. 20Qamkunaqa hawkaraqmi kakunkichik: Servichikusuptikichikpas, engañasuptikichikpas, tukuy imaykichikta qechusuptikichikpas, hatun tukuptinkupas hinaspa uyapi laqechusuptikichikpas. 21Penqakuywanraqmi nini: Ñoqaykuqa manam chaypaq hinachu karqaniku.
Pipas imamantapas alabakuptinqa, ñoqapas loco hinam aswanraq alabakusaq. 22¿Hebreo castachu kanku? Ñoqapas chay castam kani. ¿Israelpa mirayninchu kanku? Ñoqapas chay miraymi kani. ¿Abrahampa mirayninkunachu kanku? Ñoqapas paypa mirayninmi kani. 23#Hch 16.23.¿Cristopa serviqninkunachu kanku? Loco hinam nichkaykichik, ñoqaqa aswanraqmi Cristotaqa servichkani, paykunamantaqa mastam llamkarqani, mastam azotetapas chaskirqani, carcelkunapim karqani, achka kutitataqmi wañuymantapas ayqerqani. 24#Dt 25.3.Pichqa kutitam judiokuna azotewarqa, kimsa chunka isqonniyuq makitam azotewarqaku. 25#Hch 16.22.#Hch 14.19.Kimsa kutitam kaspiwan waqtapawarqaku, huk kutipiñataqmi rumiwan choqaparuwarqaku. Illasqaykunapim kimsa kutikama barco yakuman tikrakuykurqa. Huk punchaw huk tutanñataqmi lamar qochapi karqani. 26#Hch 9.23.#Hch 14.5.Achka kutitam illarqani hinaspam sinchi sasachakuypim karqani: Mayu aparuwananmanta, suwamanta, castaykuna hinaspa mana judío kaqkuna wañurachiwananmantapas. Chaynataq llaqtakunapipas, chunniqkunapipas, lamar qochapipas hinaspa wawqe-pani tukuqkunamantapas. 27Llumpaytam llamkarqani, sasachakuyllapim karqani. Achka kutipim karqani: Yarqaymanta, yakumanta chaynataq mana puñusqa, mana mikusqa, chiripi hinaspa pachaymantapas ususqa.
28Tukuy kaykuna pasawachkaptinpas sapa punchawmi iñiqkunamanta llakikuy intuykuwarqa. 29Pipas onqoptinqa ¿manachu ñoqapas onqoni? Pipas huchaman urmaptinqa ¿manachu ñoqapas penqakuywan kani?. 30Alabakunay kaptinqa mana kallpayuq kasqaymantam alabakusaq. 31Señor Jesuspa Taytan wiñaypaq hatunchana Diosmi mana llullakusqayta yachan. 32Damasco llaqtapi kachkaptiymi rey Aretasta serviq prefecto, presochawananpaq chay llaqtapa punkunta cuidachirqa, 33#Hch 9.23-25.hinaptinmi chay llaqtapa murallanpa ventananta canastapi warkuruwarqaku, chaynapim prefectopa makinmanta hinaña lluptikurqani.
Currently Selected:
2 Corintios 11: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
