2 Corintios 10
10
Pablopa imam rimarikusqanmanta
1Ñoqa Pablom, Cristopa kuyakuq hinaspa llampu sonqonrayku nikichik. Qamkunawan kaspayqa humildes kani, qamkunamanta karupi kaspayñataqsi manchakuypaq kani. 2Chaynaqa, ruegakuykichikmi qawaqnikichik hamuspayqa cheqniwaqniykunapaq rabiakunaytaqa ama munaychikchu. Haykam aychaman hina kawsasqaykupaq hapiwaqniykunawanmi hapinakusaq. 3Aychapiraq kawsaspapas manam aychaman hinachu ñoqaykuqa peleachkaniku. 4Peleanapaq armaykuqa manataqmi aychaman hina armallachu, aswanqa Diospa atiynin hina armam, chayna armaqa murallasqa llaqtakunatapas tuñirachinmanmi. 5Tuñichintaqmi Dios reqsiypa contranpi hatun tukuspa hatariqkunatapas chaynataq Diospa contranpi hoqarikuqkunatapas, runakunapa imaymana piensasqantam Cristomanña hapichiniku kasukunankupaq. 6Chayllam kachkaniku mana kasukuqkunata castiganaykupaq, chaynataqa ruwasaqku cheqaptapuni kasukuptikichikñam.
7Qamkunaqa imatapas rikchayllantam qawankichik, sichum pipas Cristopaña kasqanta hapikuspanqa, yachananmi ñoqaykupas pay hina Cristopaña kasqaykuta. 8Atiyniykumanta aswanraq alabakuspayqa manam penqakunichu, Señormi kay atiytaqa qowarqaku qamkunata wiñachinaykupaq, manam tuñichinaykupaqchu. 9Amayá piensaychikchu:
“Pabloqa cartallawanmi manchachiwanchik”, nispaykichikqa.
10Wakinkunañataqmi ninku:
“Payqa cartankunapiqa manchakuyllapaqtañam riman, kaypi kaspañataqmi pisi kallpayuq hina, rimayninpas mana kasunapaq hinallam”, nispanku.
11Chayna rimaqkunatam nini: Mana chaypi kaspa cartaykunapi nimusqayman hinam chaypi kaspaypas ruwasaqku.
12Ñoqaykuqa manam kikillanmanta alabakuqkunawanchu tupachikuniku, paykunaqa kikillankumanta hinaspa kikinkupura tupachikusqankutam qawachikunku. 13Ñoqaykuqa manam alabakuymankuchu mana kaqmantaqa, Diosmi ñoqaykutaqa maypi llamkanaykupaqpas kamachiwanku, paytaqmi Corinto llaqtamanpas chayachimuwarqaku. 14Chayraykum ñoqaykuqa maymi llamkasqaykumantaqa mana lloqsirqanikuchu, Jesucristomanta allin noticiataqa ñoqaykum puntataqa apamurqaykiku. 15Ñoqaykuqa alabakuchkaniku manam hukkunapa llamkasqanmantachu, chaynapim suyachkaniku qamkunapa iñiynikichik wiñaptin astawanraq llamkayta, ichaqa chaytaqa ruwasaqku maymi llamkanallaykupim. 16Chaywanpas qamkunapa kasqaykichikmanta karupi kaqkunamanpas Cristomanta allin noticia cheqechiytam munachkaniku, chaytaqa ruwasaqku hukkunapa llamkasqanman mana chapukuspam.
17 #
Jer 9.24. Pipas alabakuyta munaspaqa Señormantayá alabakuchun. 18Kikillanmanta alabakuqqa manam chaskisqachu kanqa, aswanqa Señorpa alabasqanmi chaskisqaqa kanqa.
Currently Selected:
2 Corintios 10: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
