1 Corintios 3
3
Pablopa llamkaqmasinkunamanta
1Chaywanpas wawqe-panillaykuna, qamkunamanqa rimarimuykichik manam Chuya Espirituwan kawsaq runakunaman hinachu, aswanqa aychapa munasqallanpi kaqkunaman hinam, otaq Cristoman chayraq iñiqkunaman hinam. 2#Heb 5.12-13.Ñuñuq wawaman leche tomachichkaq hinam fácil kaqkunallata yachachirqaykichik, qamkunaqa manaraqmi mikuytaqa atirqankichikchu, kunanpas manaraqmi llasaq mikuytaqa atiwaqchikraqchu. 3Qamkunaqa aychaman hinallaraq kawsasqaykichikraykum envidianakunkichik, liryanakunkichik hinaspa cheqninakunkichik. Chaykunata ruwaspaqa ¿manachum aychaman hinallaraq hinaspa runakunapa ruwasqanman hinallaraq kawsachkankichik? 4#1 Co 1.12.Qamkunam ninkichik:
Ñoqaqa Pablopam kani, nispa.
Wakinñataqmi ninku:
Ñoqaqa Apolospam kani, nispa.
Chaynakunata rimaspaqa ¿manachu aychaman hinallaraq kawsachkankichik?
5Aswanqa, ¿pitaq Apolosqa? ¿pitaq ñoqaqa kani? Ñoqaykuqa Diospa serviqnillanmi kaniku, ñoqaykutakamam iñikurqankichikpas, ñoqaykuqa sapakamam Señorpa qowasqankuta ruwarqaniku.
6 #
Hch 18.4-11. #
Hch 18.24-28. Ñoqam tarpurqani, Apolosñataqmi parqorqa, ichaqa Diosmi wiñachirqa. 7Chaynapiqa tarpuqpas, parqoqpas manam imachu, aswanqa Diosllam plantakunataqa wiñachin. 8Tarpuqwan parqoqqa chay hinallam kanku, ichaqa llamkasqankuman hinam sapakamaman Dios pagapunqa.
9Ñoqaykuqa Diospa llamkapakuqninmi kaniku, qamkunañataqmi kankichik Diospa llamkasqan chakra hinaspa Diospa ruwasqan wasi.
10Ñoqaqa Diospa qowasqan kuyakuywanmi maestro albañil hina kani, hinaptinmi ñoqa cimientota churarqani hukñataqmi chaypa hawanman perqan, chay perqaqkunaqa sapakamam imam perqasqankuta cuidadowan ruwananku. 11Manam pipas sapaq cimiento churaytaqa atinmanchu cimiento churasqaña kachkaptinqa, chay cimientoqa kikin Jesucristom.
12Sichum pipas kay cimientopa hawanpi perqanman qoriwan, qollqewan, alhaja rumiwan, tablawan, pajawan chaynataq soqoswanpas, 13hinaptinqa sapakamapa llamkasqanmi juicio punchawpi qawasqa kanqa, chay punchawmi sapakamapa ruwasqanta nina pruebanqa allin kaptin otaq mana allin kaptinpas. 14Pipapas perqasqan ninawan pruebasqa kachkaspan mana ruparuptinqa pagontam chaskinqa.
15Sichum perqasqan ruparuptinqa lliwtam pierderunqa, ichaqa ninamanta ayqechkaq hinam kikinpas salvakunqa.
16 # 1 Co 6.19; 2 Co 6.16. ¿Manachum yachakunkichik Diospa templon kasqaykichikta chaynataq Diospa Espiritunpas qamkunapi yachasqanta? 17Sichum pipas Diospa templonta tuñichiqtaqa Diosmi paytapas tuñirachinqa, Diospa templonqa chuyam, chay temploqa qamkunam kankichik.
18Amayá kikillaykichikqa engañakuychikchu, Pipas kay pachapi yachaykunawan yachaq tukuqqa, mana yachayniyuq hinallam kanan, chaynapi cheqap yachayniyuq kananpaq. 19#Job 5.13.Kay pachapi yachaykunaqa Diospa qayllanpiqa mana valeqmi. Imaynam Qellqapa kayna nisqanman hina:
“Diosmi trampawan hapichkaq hina yachaysapakunataqa kikinpa sakri kaynillanpi hapirun”, nispa.
20 #
Sal 94.11. Huklawpipas nichkanmi:
“Señorqa yachaysapakunapa piensasqantaqa yachanmi,
chaykunaqa mana valeqlla kasqantapas yachanmi”, nispa.
21Chaynaqa, amayá runakunamantaqa alabakuychikchu, llapallan ima kaqkunapas qamkunapam. 22Pablopas, Apolospas, Pedropas, kay pachapas, kawsakuypas, wañuypas, kunan kaqpas, hamuq kaqpas, llapallanmi qamkunapa. 23Qamkunaqa Cristopam kankichik, Cristoñataqmi Diospa.
Currently Selected:
1 Corintios 3: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
