1 Corintios 2
2
Cristomanta Pablopa willakusqanmanta
1Wawqe-panillaykuna, Diosmanta qamkunaman willakuq hamuspayqa, manam sumaqllaña rimaywanchu nitaq hatun yachaywanchu willarqaykichik. 2Qamkunawan kaspayqa manam imamantapas yachaytaqa munarqanichu, aswanqa chakatasqa Jesucristollamantam. 3#Hch 18.9.Qamkunamanmi mana kallpayuq hina hinaspa manchakuymanta katkatatastin hamurqani. 4Diosmanta willakuspayqa manam runakunapa yachayninman hinachu nitaq sumaq rimayman hinachu iñichiyta munarqani. Aswanqa iñichirqaykichikqa Chuya Espiritupa atiyninwanmi. 5Chaynapi iñiynikichik mana runakunapa yachayllanpi sapinchasqa kananpaq, aswanqa Diospa atiyninpi.
Diosqa Espiritunwan reqsichikusqanmanta
6Yachaymantaqa rimaniku iñiyninkupi wiñasqakunawanmi, ichaqa manam kay pachapi yachaytachu, nitaq kay pachapi kamachikuqkunapa yachaynintachu, chaykunaqa tukuruqllam. 7Rimanikuqa Diospa waqaychaspa pakasqan yachaymantam, chaytaqa manaraqpas kay pacha unanchasqa kachkaptinmi Diosqa tantearqaña, chaynapi ñoqanchik kancharinanchikpaq. 8Kaytaqa manam kay pachapi mayqan kamachikuqkunapas yacharqakuchu, yachaspankuqa manachá Atiyniyuq Señorninchiktaqa chakatanmankuchu karqa. 9#Is 64.4.Imaynam Qellqapa kayna nisqanman hina:
“Diosmi kuyaqninkunapaq prepararqa,
mana pipapas rikusqanta,
mana pipapas uyarisqanta,
mana pipapas piensasqanta”,
10Diosmi Espirituntakama tukuy chaykunata reqsichiwarqanchik, Espirituqa tukuy imatam yachan, reqsintaqmi Diospa sonqonpi pakasqa kaqkunatapas.
11Runapa piensasqankunataqa manam huk runaqa yachanchu, aswanqa kikin runapa espiritullanmi, chaynataqmi Diospa piensasqantapas mana pipas yachanchu, aswanqa kikin Diospa Espiritullanmi. 12Ñoqanchikpas manam kay pachapi espiritutachu chaskirqanchik, aswanqa Diosmanta hamuq Espirituntam, chaynapi Diospa kuyakuyninman hina qowasqanchikta yachananchikpaq. 13Kaykunamantaqa rimaniku manam runapa yachayninwan yachachiwasqankuman hinachu, aswanqa Diospa Espiritunpa yachachiwasqankuman hinam, chaynapim yachachiniku Espiritumanta kaqkunata Espiritupa yachachisqan rimaykunawan.
14Aychallaman hina kawsaq runaqa manam Diospa Espiritunmanta kaqkunataqa chaskinmanchu, paypaqa mana valeqpaqmi rikchakapun, nitaqmi entiendenchu, chaykunaqa espirituman hina entiendena kasqanrayku. 15Espiritupa yanapasqan runam ichaqa tukuy imatapas juzganman, paytam ichaqa mana pipas juzganmanchu. 16#Is 40.13.¿Pitaq Señorpa piensasqanta yachanman? ¿Pitaq payta consejayta atinman? Ñoqanchikmi ichaqa Cristopa piensasqanman hina piensanchik.
Currently Selected:
1 Corintios 2: RCHQ2
Highlight
Share
Compare
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
