1 Corintios 13
13
1Sichum ñoqa rimayman runakunapa chaynataq angelkunapa rimayninpipas, ichaqa mana kuyakuyniy kaptinqa campanapa otaq platillopa chinchinyaynin hinallam kani. 2#Mt 17.20; 21.21; Mr 11.23.Sichum profetizayman, pakasqa kaqkunatawan, reqsiymantaq tukuy rikchaq yachaykunatapas chaynataq iñiyniypas kanman orqokunata maymi kasqanmanta suchuchinaypaq, mana kuyakuyniy kaptinqa manam imapaqpas valenichu.
3Sichum tukuy kapuqniykunata wakchakunaman aypuruyman, cuerpoytapas kañasqa kananpaq entregayman, ichaqa mana kuyakuyniy kaptiyqa manam imapaqpas servinchu.
4Pipas kuyakuyniyuqqa pacienciakuqmi, imapas qokuykuqmi, manam envidiosochu, manam hatun tukuqchu, manam alabakuqchu, 5manam penqaypaq ruwaqchu, manam kikillanpaq munaqchu, manam piñakuqchu, nitaqmi cheqnikuqchu, 6manataqmi kusikunchu hukpa huchankunamantapas, aswanqa cheqap kaqmantam kusikun. 7Tukuytam ñakarin, tukuytam creen, tukuytam suyan, tukuytam aguantan.
8Kuyakuyqa wiñaypaqmi, profeciakunam ichaqa tukunqa, mana reqsisqanchik rimaypi rimaykunapas tukunqam, yachaypas manañam kanqañachu. 9Wakillantam yachanchik, wakillantataqmi profetizanchikpas. 10Cheqap kaq hamuruptinqa, wakin yachasqanchikmi tukurunqa.
11Taksallaraq kaspayqa warma hinam rimarqani, piensarqani, yuyaymanarqani, hatunyaruspaymi ichaqa manaña warma hinañachu ruwani. 12Kunanqa espejopi hinam chinka-chinkallata qawachkanchik, ichaqa huk punchawmi imam kaqta rikusunchik. Kunanqa reqsini wakillantam, chay punchawmi ichaqa tukuy imata reqsisaq imaynam ñoqata Dios reqsiwasqanta hina. 13Kunanqa takyachkan iñiyllam, confianzawan suyayllam hinaspa kuyakuyllam. Kay kimsanmanta aswan allinqa kuyakuyllam.
Currently Selected:
1 Corintios 13: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
