1 Corintios 11
11
1 # 1 Co 4.16; Flp 3.17. Imaynam ñoqapas Cristopa ruwasqanta hina ruwani, chaynayá qamkunapas ñoqapa ruwasqayta hina ruwaychik.
Warmikunaqa imaynam huñunakuypi kanankumanta
2Wawqe-panillaykuna alabaykichikmi yuyariwasqaykichikmanta hinaspa yachachisqaykuna kasukusqaykichikmantapas. 3Ichaqa munanim kay yachanaykichikta: Cristoqa llapa qaripa umanmi, qariñataqmi warminpa uman Diosñataqmi Cristopa uman. 4Sichum huk qari uman sukutasqa Diosta mañakunqa otaq profetizanqa, hinaspaqa umantam penqayman churan.
5Sichum huk warmi qala umalla Diosta mañakunqa otaq profetizanqa, hinaspaqa umantam penqayman churan, payqa uman kachiy-kachiy rutusqa hinam kachkan. 6Huk warmi umanta mana sukutakuspaqa allinmi kanman rutuchikuynin. Sichum uman rutuchikuynin otaq kachiy-kachiy kaynin penqaypaq kaptinqa sukutakuchunyá.
7 #
Gn 1.26. Qariqa manam umantaqa sukutakunanchu, payqa Diosman rikchakuqmi hinaspa Dios hatunchaqmi, warmiñataqmi qari hatunchaq. 8Qariqa manam warmimantachu karqa, aswanqa warmim qarimanta karqa.
9 #
Gn 2.18-23. Qariqa manam warmiraykuchu unanchasqa karqa, aswanqa qariraykum warmiqa unanchasqa karqa. 10Chayraykum warmiqa umanta sukutakunan qariman sujetasqa kasqanta angelkunamanpas qawachinanpaq.
11Chayraykum Señorpa qayllanpiqa qaripas mana kanmanchu mana warmi kaptinqa, manataqmi warmipas kanmanchu mana qari kaptinqa. 12Imaynam warmiqa qarimanta hamun, chaynataqmi qaripas warmimanta nacemun, ichaqa llapallanmi Diosmanta paqarimunku.
13Qamkunayá tanteaychik: ¿Allinchu kanman huk warmi mana umanta sukutakuspan Diosta mañakuynin? 14Costumbrepunim yachachiwanchik, qaripa chukchasapa kayninqa penqaypaq kasqanta. 15Warmipaqñataqmi chukchasapa kayninqa kusallaña, velowan sukutakunanpa rantinpi servikusqanrayku.
16Chaynaqa, pipas kaymanta atipanakuyta munaspaqa yachachunyá, ñoqanchikpipas chaynataq iglesiakunapipas chay costumbreqa manam kanchu.
Santa Cenapi mana allin ruwasqankumanta
17Kayta qellqamuspayqa manam alabaykichikmanchu, huñunakuynikichik allin kananpaq kachkaptinmi mana allinllapaq huñunakunkichik. 18Willawasqankutam uyarini, qamkunapa huñunakuynikichikpis rakinakuykuna kan. Cheqaptaqa niwasqankuman hinam creeni. 19Arí, qamkunapiqa kananmi rakinakuykunaqa, chaynapi pikunam cheqap iñiqkuna kasqankuta yachanapaq.
20Huñunakuspaykichikpas manañam Señorpa Cenanta mikunaykichikpaqñachu huñunakunkichik. 21Santa Cena hora chayaramuptinmi sapakama mikuyta qallaykunkichik, wakiqnikichikñataqmi yarqaymanta kachkankichik, hukkunañataqmi sinkakuchkankichik.
22¿Manachu wasikichikpi imapas mikunaykichikpaq hinaspa tomanaykichikpaq kan? Chaynata ruwaspaqa Diospi iñiqkunatam despreciachkankichik, chaynataqmi wakchakunata penqayman churachkankichik. ¿Imatataq nikichikman? ¿Alabaykichikmanchu? ¡Manam kaymantaqa alabaykichikmanchu!
Santa Cenamanta
(Mt 26.26-29. Mr 14.22-25. Lc 22.14-20)
23Kay yachachisqaytaqa kikin Señormantam chaskirqani. Entregasqa kasqan tutam Señor Jesús hapiykurqa tantata. 24Diosman graciasta qoykuspanmi pakiykurqa hinaspam nirqa:
Mikuychik, kaymi cuerpoy qamkunarayku pakipasqa. Qamkunapas kaynatam ruwankichik ñoqamanta yuyariwanaykichikpaq, nispa.
25 #
Jer 31.31-34. #
Ex 24.6-8. Cenayta tukuruspanñataqmi copata hapiykuspan nirqa:
Kay copam yawarniywan ruwasqay musoq pacto, kayta sapa kuti tomaspam ñoqamanta yuyariwankichik, nispa.
26Kay tantata sapa kuti mikuspam, kay copamanta tomaspam Señorpa kutimunankama wañusqanmanta willakunkichik.
Santa Cenamanta
27Chaynaqa, pipas mana chaypaq hina kachkaspa Señorpa tantan mikuqqa hinaspa Señorpa copanmanta tomaqqa Señorpa cuerponpa hinaspa yawarninpa contranpim huchallikuchkan.
28Chaynaqa, sapakamayá sonqonta tapukuchun manaraq tantata mikuchkaspa hinaspa copamantapas manaraq tomachkaspa.
29Sichum pipas mikunqa hinaspa tomanqa Señorpa cuerpon kasqanta mana piensarispan hinaspaqa mikunqapas tomanqapas kikinpa castigonpaqmi.
30Chayraykum qamkuna ukupiqa achkaq onqoqkuna hinaspa eqoyasqakuna kachkan, wakinqa wañukunkuñam kanpas.
31Sichum sonqonchikta sumaqta tapukuptinchikqa Señorqa manam juzgawachwanchu. 32Juzgaspam Señorqa castigawanchik chaynapi mana Diospi iñiqkunawan kuska mana condenasqa kananchikpaq.
33Chaynaqa, wawqe-panillaykuna, Santa Cenapaq huñunakuspaqa suyanakuychikyá kuska mikunaykichikpaq.
34Pipas yarqaymanta kaspaqa wasinpiyá mikumuchun chaynapi huñunakuypi chayna ruwasqaykichikmanta Dios mana castigasunaykichikpaq. Wakin asuntokunataqa hamuspayñam allichasaq.
Currently Selected:
1 Corintios 11: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
