1 Corintios 10
10
Idolokunapa contranpi yachachikuymanta
1 #
Ex 13.21-22. #
Ex 14.22-29. Wawqe-panikuna munanim kaykuna yachanaykichikta. Ñawpaq taytanchikkunaqa llapallankum puyupa llantuyninpi karqaku, hinaspam llapallanku Puka lamar qochanta pasarqaku. 2Chaynapim llapallanku Moiseswan huklla kanankupaq puyupi hinaspa lamar qochapi bautizasqa karqaku. 3#Ex 16.35.Chaynataqmi Diospa qomusqan mikuyllata llapallanku mikurqaku. 4#Ex 17.6; Nm 20.11.Llapallankutaqmi huk rikchaq yakullata tomarqaku, chay yakuqa qaqamanta lloqsimuqmi karqa, chay qaqaqa paykunawan riq Cristom karqa. 5#Nm 14.29-30.Ichaqa paykunamantam Diosqa mana agradakurqachu, chaymi purunpi achkaq wañururqaku.
6 #
Nm 11.4. Chaykunaqa pasakurqa ñoqanchikpaq huk ejemplo hina kananpaqmi, chaynapi paykunapa mana allin munapayasqanta hina ñoqanchikpas mana munapayananchikpaq. 7#Ex 32.6.Chaynaqa, wakinkuna hinaqa amayá idolokunataqa yupaychaychikchu, Chuya Qellqapim kaynata nin:
“Runakunam tiyaykuspanku mikurqaku, tomarqaku hinaspam hatarispanku aychankuta kusichirqaku”, nispa.
8 #
Nm 25.1-18. Amayá paykuna hinaqa huchapakuyman wichisunchu, chaynapim paykunamanta huk punchawllapi iskay chunka kimsayuq waranqa runakuna wañururqaku. 9#Nm 21.5-6.Amataqyá Señortapas tentasunchu, imaynam paykunamanta wakiqninkupa tentasqanta hinaqa, chaynapim paykunamanta kaqkunaqa wakiqninku maqta urupa kachusqan wañururqaku. 10#Nm 16.41-49.Paykunamanta wakiqninku hinaqa amataqyá Diospa contranpiqa rimaychikchu, chayraykum paykunataqa wañuchiq ángel wañurachirqa.
11Tukuy chaykunam ñawpaq taytanchikkunata pasarqa, ejemplonchik kananpaq, chaykunam qellqasqa karqa qepa tiempokunapi yuyayta hapispa allinta kawsananchikpaq. 12Chaynaqa, pipas qaqa hina sayasqanpaq hapikuqqa wichiykunanmanta cuidakuchun. 13Tentasqa kasqaykichikqa manam wakinkunapa tentasqa kasqankumantaqa maschu. Ichaqa Diosmi hapipakuna kasqanrayku mana munanqachu mana aguantay atinaykichikkama tentasqa kanaykichiktaqa. Tentacionkuna hamuptinqa Diosmi yanapasunkichik chaymanta lloqsinaykichikpaq.
14Chaynaqa, kuyasqay wawqe-panillaykuna, idolokuna yupaychaymanta ayqekuychik. 15Yachayniyuq runakuna kaptikichikmi rimapayaykichik, chaynaqa qamkunayá nisqaykunata yuyaymanaychik. 16#Mt 26.26-28; Mr 14.22-24; Lc 22.19-20.Señorpa cenanta tomaspa Diosman graciasta qospanchikqa ¿Manachu Cristopa yawarninman hukllawakuchkanchik? Tantata pakispanchikpas ¿Manachu Cristopa cuerponman hukllawakuchkanchik? 17Tantaqa chullallam, ñoqanchikñataqmi achkallaña kachkaspapas huk cuerpolla kanchik, llapallanchik huk tantallamanta mikusqanchikrayku.
18 #
Lv 7.6. Qawaychik Israel llaqtapa ruwasqanta: Sacrificiopaq ruwasqanku aychata mikuqkunaqa ¿Manachu altarwan hukllawasqa kanku? 19Chaynaqa, ¿ima nisaqtaq? ¿Idoloqa ima allintaq karqa? ¿chayman sacrificasqa aychaqa valorniyuqchu karqa? 20#Dt 32.17.Diospi mana iñiq runakuna animalkunata ofrecespankuqa demoniokunamanmi ofrecechkanku, manam Diosmanchu. Chaynaqa, manam munanichu demoniokunawan hukllawakunaykichiktaqa. 21Señorpa copanmanta tomachkaspaqa manam demoniokunapa copanmantaqa tomawaqchikchu, nitaqmi Señorpa mikunanmanta mikuchkaspapas demoniokunapa mikunanmantaqa mikuwaqchikchu. 22#Dt 32.21.¿Señortachu piñachisun? ¿Paymanta aswan kallpayuqchu kanchik?
Libre kaspa kuyanakunanchikmanta
23 # 1 Co 6.12. Tukuy ima munasqaytaqa ruwaymanmi, ichaqa manam lliwchu allinniypaq kanman. Tukuy imatam ruwachwan, ichaqa manam lliwchu wiñachikun. 24Amayá pipas kikillanpa munasqantaqa maskachunchu, aswanqa wakinkunapa allinnintayá maskachun.
25Aycha qatupi rantikusqanku aychataqa lliwtayá mikuychik, concienciaykichikrayku ama imatapas tapukuspa.
26 #
Sal 24.1. “Señorpam tukuy kay pachapi kaqkunaqa,
paypataqmi kay pachapi tukuy ima kaqkunapas”.
27Sichum Diospi mana iñiq runakuna convidasuptikichikqa imam qarasusqaykichiktayá concienciaykichikrayku ama imatapas tapukuspa mikuychik. 28Sichum pipas nisunkichik:
“Kay aychaqa idolokunaman ofrecesqam karqa” nispa, hinaptinqa willasusqaykichikraykum hinaspa concienciaraykum ama mikunkichikchu. 29Rimachkaniqa hukpa conciencianmantam, manam qamkunapamantachu.
Ichapas hukkaqnin tapukunman:
¿Imanasqataq libre kayniytaqa huk runapa conciencianraykuqa juzgawanman? 30Diosman graciasta qospay mikusqaymantaqa ¿imanasqataq contraypiqa rimanmanku graciasta qospay mikuchkaptiyqa? nispa.
31Mikuspapas tomaspapas otaq imataña ruwaspapas llapantayá Dios hatunchasqa kananpaq ruwaychik. 32Amayá judiokunatapas, mana judiokunatapas, nitaq Diospi iñiqkunatapas huchallichiychikchu. 33Ñoqaqa llapallankutam lliwpi agradayta munani, manam kikillaypa allinniyta maskaspaychu, chaynapi salvasqa kanankupaq.
Currently Selected:
1 Corintios 10: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
