DIMISEY 3
3
Mesene naŋhay a gunokoŋ le
1Dimis ngi wuzla dimis ngi Davitey,
ti di naŋ makil ti mangal naŋ Absalom.
2Bumbulvuŋ, mesene ɗuwoyo taŋ haɗi.
Mizli a slikiɗam le yom ar ya.
3Mizli haɗa ara ɓam vur ya:
«Ko Bumbulvuŋ anta lahaŋ ta!»
4Amma ka Bumbulvuŋ, ki mbaray ɗu.
Mavuliy dudok, yo mazuɓiy hirnga paɗ a muŋ i kaha.
5I ra zila Bumbulvuŋ ˀay ngar ngar,
a ziliy mi le baɗ ti muwã naŋ mipal na.
6I hin ngi duvuɗo, i hinje,
ya mupuɗuk na, i si na le a mevel ɗu,
Bumbulvuŋ i mijigin ɗu.
7Mizli mihaɗa, gun hirnga ɗu na,
zluwun anta giy ti taŋ ta.
8Buymisemuŋ, slikiɗi,
aw Bumbulvuŋ ɗu, so lihiy!
Ka, ki ra ca babarva da mesene ɗuwoyo cek,
yo ki ra ngila sliŋ ngi mizli misi moˀoreheye.
9Bumbulvuŋ, malih vu gu i kaha,
anja ki ɗuwula mi da mizli ɗikeye.
Currently Selected:
DIMISEY 3: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.