DIMISEY 4
4
Bumbulvuŋ micik vu asi gila ɓi
1Dimis ngi wuzla dimis ngi Davitey.
I mulumo di ar ɗerewol ngi buy dimis.
Dimis ngi gujuvur.
2Aw Buymisemuŋ, migi kiita ɗu mijeŋŋe!
Da ya mira ziluw na, ziliy mi.
Ya misi ar bonoy na, ki cukiy le.
Puriy ircece, cine diradibiɗ ɗu takwa.
3Kayya mizli, kum mapuraka dudok ɗu hiris le,
kum mawuɗam jikiy ɓi gbiŋ lambaˀ,
yo kum mawuɗam gi slir lambaˀ lambaˀ na,
kisa kiɗaka mi naŋ, hã ti vunaka?
4Sinaka sin le, Bumbulvuŋ
a gwaha mbur naŋ miteŋteŋ le gwah pal.
Da ya mira zila Bumbulvuŋ na, a ciniy di.
5Da mevel ara jukum na, ki gam di malambaˀ ta.
Kum mutup ar li hin kum na, wulkam, amma ndiram teˀ teˀe.
6Gaka mikuli kaɓa miɓaka ɗaˀ le na,
yo pulaka vu kumo da Bumbulvuŋ.
7Mizli haɗa ara cufuɗam vu:
«Masa ga ndra ɓa i mumulom i waka?»
Bumbulvuŋ, ciɗiko mihiri ɗike njahha ng'ar ndra.
8Ki vuliy mumul le haɗa a mevele,
fineˀ ngi mizli magam sifi ngi alkamari ati ngi yi ngi gudubun.
9Da ya mihin le si na, i hinje zuy zuy,
asi mike na, Bumbulvuŋ, maga ɓa yi ndir setette na, i ka pal ɗike.
Currently Selected:
DIMISEY 4: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.