DIMISEY 2
2
Buy madiɗa, Buymisemuŋ muwunaŋ le
1Mizli a wusam haɓar haɓar vur mike?
Sukwi ngi mizli a gam gidiɓi lambaˀ vur mike?
2Buy madiɗa ngi si ruwuyoyo, ara slikiɗam ɓi ngi gi vurum.
yo mizli micawwahaya, ara gam gidiɓi
ar Bumbulvuŋ waɗ ar mbur naŋ muwunaŋ na.
3A ɓam: «Gwat majumo ndra ati taŋ na, mburcukum di,
purtukum dambla taŋhay na, huzugukum taŋ avra.»
4Buymisemuŋ mua muŋ, ara singir,
Bumbulvuŋ ara singir ar taŋ.
5Akẽh na, a ɓa taŋ ti himaˀ,
joˀ himaˀ naŋ mufõh fõh tuwa, a ga taŋ zluwun.
6A ɓi: «Ya i ca buy ɗu madiɗa le a Siyoŋ,
Siyoŋ, muwã ɗu mipal.»
7Ya buy madiɗa, i sa til mi ti ɓi micica,
Bumbulvuŋ a ɓiy na: «Ki mangal ɗu,
i yuw le nga dana.
8Cufuɗiy,
yi sa vuluw sukwi ngi mizli gar da ka, ɓa ki wa taŋ,
yo hirwuy kuɗgulum gar i ngi ɗiki, ɓa ki waŋ.
9Ki sa tika taŋ ˀay ti ganday ngi ɓiri ngi buyoy,
yo kisa waha taŋ meɗ meɗ, kaɓa mawaham magayaka.»
10Na wurenna so na, kum buyoy, jam lesle.
Migi kiita ngi si ruwuyoy, mbak mizli a kutukum.
11Gaka slra ngi Bumbulvuŋ ti zluwun,
zluzluɓam ti jijik kirkir.
12Vulaka dudok da mangala,
da kanah ta na, a sa ji mevel, dar kisa zizam a jiviɗe,
asi mevel a jaŋ kutumo si.
Mizli maɗumom ava gar na, a mumulom.
Currently Selected:
DIMISEY 2: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.