Sal 99
99
SAALM 99 (98)
Li Qaawa' a'an nim xwankil ut sant
1Li Qaawa' na'awab'ejink,
ut neke'xiwak eb' li tenamit.
Nak'ojlaak sa' xb'eeneb' li kerubín,
ut na'eek'ank chixjunil li ruuchich'och'.#99,1 Ex 25,18-22; 1 S 4,4; Sal 80,2; Is 37,16.
2Jwal nim xwankil li Qaawa' aran Sión,
q'axal nim xloq'al sa' xb'eeneb' chixjunil li tenamit.
3Chinimaaq li xloq'laj k'ab'a' li k'ajo' xiwajel.
Sant li Qaawa'!
4Laa'at jun awab'ej li q'axal nim aawankil,
k'ajo' naq nakara li tiikilal!
Laa'at xatk'ojob'ank re li yaal,
xak'anjela li tiikil ch'oolej ut li yaal sa' xyanqeb' laj Jakob.
5Chenimaaq ru li Qaawa' li qaYos,
chehupub'aq eerib' chiru li xxaqleb'aal.
Sant li Qaawa'!
6Laj Moisés ut laj Aharón rochb'eeneb' li rech tijul,
laj Samuel rochb'eeneb' li neke'patz'ok li xloq'laj k'ab'a'
ke'xyaab'a li Qaawa', ut a'an kixsumeheb' chaq.
7Kiraatinaheb' chaq toj sa' li choql,#99,7 Ex 33,9.
ut eb' a'an ke'xpaab' li raatin
ut li xloq'laj chaq'rab' k'eeb'il reheb'.
8At Qaawa', at qaYos, laa'at kasumeheb'
ut kak'ut naq laa'at jun Yos aj uxtaan rik'ineb',
us ta kak'eheb' chi xtojb'al li xmaakeb'.
9Chenimaaq ru li Qaawa' li qaYos,
chehupub'aq eerib' chiru li xloq'laj na'aj:
xb'aan naq sant li Qaawa' li qaYos!
Currently Selected:
Sal 99: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
