Sal 98
98
SAALM 98 (97)
Jun ak' b'ich cho'q re li xRey li ruuchich'och'
1Saalm.
B'ichahomaq junaq ak' b'ich cho'q re li Qaawa',
xb'aan naq xb'aanu sachb'ach'oolej.
Xq'axok u rik'in xnimal xwankil,
rik'in xwankilal li xloq'laj uq'.
2Li Qaawa' xk'ut rib' cho'q aj kolonel,
ut xk'utb'esi li xtiikilal xch'ool
chiruheb' chixjunil li tenamit.
3Ink'a' xsachk sa' xch'ool li xrahom ut li xchaab'ilal
rik'ineb' li ralal xk'ajol laj Israel.
Toj sa' xmaril li ruuchich'och'
xe'ril li xkolom ut li xrahom li qaYos.#98,1-3 Is 52,10.
4Cheyaab'a xk'ab'a' li Qaawa' junsut junrub'el choxa;
chexb'ichanq, chexwajb'aq ut chisaho'q sa' eech'ool!#98,4 Sal 100,1.
5Chenimaaq ru li Qaawa' rik'in aarp
jo'wi' rik'in chixjunileb' li loq'laj wajb'.
6Rik'inatq xyaab' li xolb' ut li tronpeet
cheloq'oni ru li Qaawa' li qaRey.
7Chipumb'aq xyaab' li palaw ut chixjunil li wank chisa',
chi'eek'anq li ruuchich'och' ut chixjunileb' li wankatqeb' chiru.
8Che'xpoq'poq'i li ruq' eb' li nima',
wotz che'b'ichanq eb' li tzuul#98,7-8 Is 44,23.
9chiru li Qaawa' xb'aan naq chalk re:
chalk re chi raqok aatin sa' xb'een li ruuchich'och'!
Tixjolomi li choxach'och' sa' tiikilal
ut tixb'eresi chixjunileb' li tenamit
jo' chanru xchaab'ilal li xch'ool.
Currently Selected:
Sal 98: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
