Sal 100
100
SAALM 100 (99)
Xloq'oninkil ru li Yos
1Saalm re b'anyoxink.
Chininq'ehiq sa' xk'ab'a' li Qaawa' chixjunil li ruuchich'och',
2k'anjelanqex chiru li Qaawa' chi sa sa' leech'ool,
jilonqex chi xk'atq: “Nim xloq'al li Yos”, cha'qex.
3Chenawaq naq li Qaawa' a'an Yos,
a'an kiyoob'tesink qe ut reho ajwi',
laa'o li xtenamit,
laa'o xkarneer k'aak'alenb'ilo xb'aan.
4Okanqex sa' li okeb'aal toj chi xneb'aalil li rochoch
rik'in yoxink ut loq'onink;
yoxinqex chiru ut chenimaaq li xk'ab'a'!
5Xb'aan naq jwal chaab'il li Qaawa',
li xrahom wank chi junelik;#100,5 1 Kr 16,34; 2 Kr 5,13; 7,3; Esd 3,11; Sal 106,1; 107,1; 118,1; 136,1; Jr 33,11; Dn (dc) 3,89-90.
li xtiikilal xch'ool wanq junq'e junq'e kutan.
Currently Selected:
Sal 100: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
