Sal 97
97
SAALM 97 (96)
Li Qaawa' na'awab'ejink
1Li Qaawa' na'awab'ejink,
chisaho'q sa' xch'ool li ruuchich'och',
che'saho'q jo'k'ihaleb' li tenamit sutsuukeb' xb'aan li palaw!
2Sutsu li Qaawa' xb'aan li choql ut li aak'ab';
li tiikilal ut li yaal a'aneb' xkuut li xk'ojarib'aal.
3K'amol b'e naxik li xam chiru li Qaawa',
jun k'atikeb' chixjunileb' li xik' neke'ilok re.
4Nasaqeno'k li ruuchich'och' xb'aan raq' li kaaq:
k'ajo' naq naxsiksiki rib' li ch'och' rik'in rilb'al a'an.
5Chanchaneb' li waakab' naq neke'ha'o'k li tzuul#97,5 Mi 1,4; Nah 1,5.
chiru laj eechal re jo'nimal li wank sa' ruuchich'och'.
6Li choxa naxpuktesi resil li xtiikilal xch'ool
ut chixjunileb' li tenamit neke'ril li xloq'al.
7Xutaanal neke'kanaak wi' eb' li neke'loq'onink re li jalanil yos,
eb' li neke'xnimob'resi rib' rik'in li maak'a' na'ok wi'.
Chixjunileb' li yos neke'xwiq'ib' rib' chiru li Qaawa'!
8At Qaawa', naq eb' laj Sión ut eb' li tenamit re Judá
te'rab'i naq laa'at tiik aach'ool,
k'ajo' naq te'saho'q sa' xch'ool ut te'ninq'ehiq.
9Xb'aan naq laa'at li Qaawa',
li Nimajwal Yos sa' xb'een li ruuchich'och';
laa'at li nim aawankil sa' xb'eeneb' chixjunileb' li yos.
10Li Qaawa' naxraheb' li neke'tz'eqtaanank re li maa'usilal;
a'an nak'aak'alenk reheb' li neke'paab'ank re,
ut naxkoleb' chiru chixjunileb' li ink'a' useb' xna'leb'.
11A'an naxtaqla chaq li saqenk ut li sahil ch'oolej
cho'q reheb' li tiikeb' xch'ool ut neke'wank sa' xyaalal.
12Laa'ex li tiik eech'ool,
chexsaho'q sa' xk'ab'a' li Qaawa',
ut chenimaaq li xk'ab'a' xb'aan naq a'an Yos!
Currently Selected:
Sal 97: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
