Sal 95
95
SAALM 95 (94)
Kimqex chi xloq'oninkil ru li Qaawa'
1Kimqex, b'ichanqo chiru li Qaawa' chi sa qach'ool,
qanimaaq ru li Saqoonak li naqakol wi' qib'.
2Choojiloq chi xk'atq rik'in b'anyoxink
ut choob'ichanq re xloq'oninkil ru.
3Xb'aan naq li Qaawa' a'an li Yos nim xwankil,
a'an xnimal ru Awab'ej sa' xb'eeneb' chixjunileb' li yos.
4Sa' ruq' a'an wank xchamal li ruuchich'och',
a'an aj eechal re chixjunileb' li ninqi tzuul.
5Re a'an li palaw, xb'aan naq a'an kiyiib'ank re,
a'an kipak'ok re chixjunil li ruuchich'och'.#95,4-5 Sal 24,1-2; 89,12-13.
6Okanqex, chooloq'oninq,
junb'uchlikaqo, qawiq'ib'aq qib' chiru li Qaawa':
a'an laj winqob'resihom qe!
7Xb'aan naq a'an li qaYos ut laa'o li xtenamit;
laa'o xkarneer li b'eresinb'ilo xb'aan.
Us rajan teerab'i hoon li xyaab' xkux:
8“Meeq'etq'eti leech'ool#95,7-8 Heb 3,15; 4,7. jo' kik'ulmank aran Meribá,
sa' li kutan naq leena' leeyuwa' ke'wank Masá sa' li chaqich'och'.
9Aran ke'xyal wix ut ke'raj raj inraalenkil,#95,8-9 Ex 17,1-7; Nm 20,2-13.
us ta ak rilomeb' chaq chixjunil linb'aanuhom.
10Chiru ka'k'aal chihab' ke'xpo' linch'ool eb' li tenamit a'an,
ut kinye: «Li tenamit a'in q'axal b'ach'b'ach'eb',
ink'a' neke'raj xtaaqenkil linb'e».
11Jo'kan naq kinye rik'in jurament sa' linjosq'il:
«Maajoq'e te'ok#95,11 Dt 12,9-10. sa' linhilob'aal!»”.#95,7-11 Heb 3,7-11.
Currently Selected:
Sal 95: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
