Sal 90
90
SAALM 90 (89)
Chak'ut chiqu xyaalal li qayu'am
1Xtij laj Moisés, laj k'anjel chiru li Yos.
At Qaawa', chalen chaq sa' xtiklajik
laa'at li qochoch chi junelik.
2Naq toj maak'a'eb' chaq li tzuul
ut toj maji' nak'ub'laak sa' xna'aj li choxach'och',
ak laa'at ajwi' chaq li qaYos junq'e junq'e kutan!
3Pojtz' nakasutq'isi wi' li winq naq nakaye re:
“Sutq'inqex sa' li pojtz', ex ralal laj Adán!”.
4Xb'aan naq jun o'q'ob' chihab' chawu laa'at
chanchan wi' ewer li ak xnume'k ut maak'a' chik sa' ajl,#90,4 2 P 3,8.
chanchan li jun ajal chiru li q'oqyink.
5Nakaxok li qayu'am,
ut nanume'k jo' jun li matk',
chanchan wi' li pim namoqk eq'la:#90,5 Is 40,6-8.
6eq'la nayo'laak ut na'atz'umak,
ab'an ewu natz'umaak ut nachaqik.
7Xb'aan laajosq'il yo qasachb'al;
naq yo laak'a, k'ajo' qaxiw.
8Laa'at nakanaw chixjunil li qamaak.
Li k'aru xqab'aanu chi muqmu,
kutan saqenk chik chawu laa'at.
9Wi nakatjosq'o'k, naraqe'k li qayu'am;
jun apunk ajwi' chixjunil li qakutan!
10Ka'aj chik lajeetq kaak'aal chihab' li qayu'am,
malaj kaak'aal chihab', wi toj kawo;
ab'an junes rahilal ut xtawasinkil qib' naqak'ul:
sa' junpaat neke'nume'k ut laa'o nokoo'oso'k.#90,10 Job 14,1; Ek 2,23; 11,8.
11Ani tawi' nanawok xkawilal laajosq'il
re naq taaxiwaq chiru xnimal laak'a?
12Chak'ut chiqu k'aru xyaalal li qayu'am
re naq tqak'e qach'ool chi xtawb'al qana'leb'.
13Kim, at Qaawa'!
Jo' najtil chik yooq laajosq'il?
Chawil taxaq xtoq'ob'aaleb' ru laj k'anjel chawu.
14Chak'ojob' qach'ool rik'in laarahom toj eq'la,
ut taawanq sahil ch'oolej ut b'ichank
chiru chixjunil li qayu'am.
15Chak'e xsahil qach'ool anaqwan
cho'q reeqaj li rahob'tesiik qak'ulum aab'aan chiru k'iila kutan,
sa' xk'ab'a'eb' li chihab' naq junes rahilal xqak'ulatq chaq.
16Chak'e taxaq naq laa'o ut eb' li qalal qak'ajol
taaqil laasachb'ach'oolej ut laawankilal.
17A' taxaq li rusilal li Qaawa' li qaYos chiwanq qik'in!
Chawosob'tesi li qak'anjel!
Chak'e naq us too'elq rik'in li k'aru nalajqab'aanu!
Currently Selected:
Sal 90: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
