Sal 88
88
SAALM 88 (87)
K'a'ut naq nikinaatz'eqtaana, at Qaawa'?
1Xb'ich ut xsaalm eb' li ralal xk'ajol laj Koré. Re li xjolomileb' laj b'ichanel. Sa' xhonalil li yajel. Xk'utum laj Hemán laj ralch'och'.
2At Qaawa', at inYos ut aj Kolol we,
chi q'eq ut chi kutan nintz'aamank chawu.
3Chiwulaq taxaq aawik'in lintij,
chawab'i taxaq li nawelaji chawu.
4Xb'aan naq q'axal ra wankin:
kamk we naq naweek'a.
5Ak k'eeb'ilin sa' ajl sa' xyanqeb' li kamenaq,
chanchanin aj chik li winq maak'a' chik naraj.
6Xink'ehe'k sa' xyanqeb' li kamenaq,
chanchan ak wankin rik'ineb' li xe'muqe'k,
a'eb' li ink'a' chik najultiko'k aawe
xb'aan naq najt chik wankeb' aawik'in.
7Xinaak'e sa' xchamal li jul,
sa' li aak'ab', sa' li siwan.
8K'ajo' xnimal laajosq'il sa' inb'een:
chanchan naq nakakut sa' inb'een
chixjunileb' li xkaw oq li palaw!
9Xanajtob'resi wik'in eb' li wech'alal,
ut xiwajel xinaakanab' chiruheb' a'an;
tik tz'aptz'ookin aj chik ut maab'ar tin'elq,
10yo chi moyk xsa' li wu xb'aan li rahilal.
At Qaawa', ninyaab'a laak'ab'a' chixjunil li kutan,
ninterq'usi li wuq' re tz'aamankil intenq'ankil chawu.
11Ma taab'aanu tab'i' sachb'ach'oolej cho'q reheb' li kamenaq,
malaj te'wakliiq chaq eb' li ak xe'kamk,
re xnimankil aawu?
12Ma najultikamank tab'i' laachaab'ilal sa' xjulel li kamenaq,
malaj nayeemank resil laatiikilal sa' xb'alb'a?
13Ma na'ilmank tab'i' sa' li aak'ab' li sachb'ach'oolej nakab'aanu,
malaj nanawmank xtiikilal laach'ool#88,11-13 Job 10,21-22; Sal 6,6; 115,17; Is 38,18-19; Eklo 17,27-28; Bar 2,17-18.
b'arwi' maa'ani chik paatz'el?
14A'ut laa'in, at Qaawa',
ninjap we chi xtz'aamankil intenq'ankil chawu,
ut lintij nawulak aawik'in toj hik'ho.
15K'a'ut naq nikinaatz'eqtaana, at Qaawa'?
K'a'ut naq nakamuq li xnaq' aawu?
16Chalen chaq sa' insaajilal q'axal xtoq'ob'aal wu ut jwal yajin;
yo laajosq'il sa' inb'een,
laajosq'il yo, ink'a' chik ninkuy.
17K'ajo' li xpo'ik aach'ool sa' inb'een,
oso'jenaqin aj chik xb'aan chixjunil li xinaaxib'esi wi'.#88,17 Job 6,4.
18Chanchan naq sutsuukin xb'aan li b'ut'iha' naq naweek'a;
junelik naxkut rib' laajosq'il sa' inb'een.
19Xanajtob'resi wik'in eb' linkomon ut eb' li wamiiw,
ut a' chik li aak'ab' na'ochb'eenink we.
Currently Selected:
Sal 88: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
