Sal 87
87
SAALM 87 (86)
Sión a'an li xna' chixjunileb' li tenamit
1Xsaalm ut xb'ich eb' li ralal xk'ajol laj Koré.
Li Qaawa' kixk'ojob' Jerusalén sa' xb'eeneb' li loq'laj tzuul,
2ut q'axal naxra li tenamit Sión
chiru chixjunileb' li xmuheb'aal laj Jakob.
3Chaab'il aawesil nayeemank yalaq b'ar,
at xtenamit li Yos:
4“Tink'eheb' sa' ajl Ejiipt ut Babilonia
sa' xyanqeb' li neke'nawok wu;
Tiro, Filistea ut Etiopía xe'yo'laak aawik'in”.
5Chirix li tenamit Sión taayemaanq:
“Chixjunileb' xe'yo'laak arin”.
A' li Nimajwal Yos kik'ojob'ank re.
6Li Qaawa' tixtz'iib'a sa' xhuheb' li tenamit:
“Li tenamit a'in xyo'laak arin”.
7Ut eb' laj b'ichanel ut laj xajonel te'xye:
“Linna'aj, linmuheb'aal wank aawik'in!”.
Currently Selected:
Sal 87: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
