Sal 86
86
SAALM 86 (85)
Tz'aamank sa' li rahilal
1Xtij laj David.
At Qaawa', chinaawab'i taxaq ut chinaasume chaq
xb'aan naq q'axal toq'ob' wu ut neb'a'in.
2Chinaatenq'a taxaq xb'aan naq nakatinra.
Laa'at linYos,
chinaakol taxaq laa'in aj k'anjel chawu
xb'aan naq kaw inch'ool aawik'in.
3At Qaawa', chawuxtaana wu:
chi q'eq ut chi kutan ninpatz' laak'ab'a'.
4Chak'e taxaq xsahil inch'ool:
laa'in aj k'anjel chawu
ut nintz'aamank nin'elajink chawu.
5Q'axal chaab'ilat, at Qaawa',
ut aj kuyulat maak;
makach'in xnimal laawuxtaan
sa' xb'eeneb' li neke'tijok chawu.
6At Qaawa', chawab'i taxaq lintij,
chasume chaq li nintz'aama chawu.
7Naq wankin sa' rahilal, ninyaab'a laak'ab'a',
xb'aan naq nakawab'i lintz'aamahom.
8Ani ta chik jo' laa'at sa' xyanqeb' chixjunileb' li yos?
Maajun nab'aanunk re jo' li nakab'aanu laa'at!
9At Qaawa', laa'at xayiib' chixjunileb' li tenamit,
ut eb' a'an tule'xwiq'ib' rib' chawu:
te'chalq chi xk'eeb'al xloq'al laak'ab'a'.#86,9 Ap 15,4.
10Xb'aan naq k'ajo' xnimal aawankil:
laa'at nakatb'aanunk sachb'ach'oolej;
ka'jat wi' li yo'yookil Yos!
11Chak'ut taxaq chiwu laab'e, at Qaawa',
re naq tinwanq sa' xyaalal;
chak'e taxaq naq junes a'in tinsik':
xpaab'ankil ut roxloq'inkil laaloq'laj k'ab'a'.
12At Qaawa', at inYos, ninyoxink chawu chi anchal linch'ool
ut junelik tink'e xloq'al laak'ab'a',
13xb'aan naq jwal nim linraab'al aab'aan:
laa'at xatkolok we chiru li kamk.
14At inYos, wankeb' q'etq'et li te'raj numtaak sa' inb'een;
jun ch'uuteb' ink'a' useb' xch'ool yookeb' xk'uub'ankil inkamsinkil#86,14 Sal 54,5.
ut ink'a' nakate'xk'e sa' xnaq' ruheb'.
15Ab'an laa'at, at Qaawa',
laa'at jun Yos aj uxtaan ut chaab'ilat,
ink'a' nakatjosq'o'k sa' junpaat,
numtajenaq b'an laarahom ut li xtiikilal laach'ool:
16chawil taxaq xtoq'ob'aal wu.
Chak'e taxaq inkawilal ut chinaakol:
laa'in aj k'anjel chawu.
17Chak'e we junaq reetalil laawusilal,
re naq eb' li xik' neke'ilok we te'ril ut te'kanaaq sa' xutaan,
xb'aan naq laa'at laj tenq'ahom we ut laj k'ojob'anel linch'ool.
Currently Selected:
Sal 86: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
