Sal 85
85
SAALM 85 (84)
Xtz'aamankil li rusilal li Yos
1Re li xjolomileb' laj b'ichanel. Xsaalm eb' li ralal xk'ajol laj Koré.
2At Qaawa', k'ajo' laachaab'ilal rik'in laana'aj!
Xak'e wi' chik xkawub' xch'ool laj Jakob.
3Xakuy xmaakeb' laatenamit
ut xasach chi junajwa chixjunil li kimaakob'k wi'.
4Xawisi laajosq'il sa' qab'een
ut xasach sa' laawaanm li xpo'ik aach'ool.
5At Qaawa' aj kolol qe, choohaakol wi' chik anaqwan,
ch'anab' wan laajosq'il sa' qab'een.
6Ma junelik tab'i' yooq laajosq'il sa' qab'een?
Ma po'pooq laach'ool qik'in junelik q'e kutan?
7Ma ink'a' taak'e wi' chik qayu'am
re naq tsaho'q xch'ool laatenamit aawik'in?
8Chak'ut taxaq chiqu laawuxtaan
ut choohaatenq'a taxaq, at Qaawa'!
9Twab'i k'aru tixye li Qaawa':
li Yos tixjultika li tuqtuukil usilal
cho'q re li xtenamit ut eb' li neke'rahok re,
re naq ink'a' te'sutq'iiq wi' chik
chi xb'aanunkil li jo'maajo'il na'leb'.
10Nach' chik wank li kolb'a ib'
cho'q reheb' li neke'paab'ank re;
li xloq'al li Qaawa' taahilanq sa' qana'aj.
11Li rahok ut li yaal xule'xtaw rib',
li tiikilal ut li tuqtuukilal xule'xq'alu rib'eb';
12li yaal taatuxmeq sa' ruuchich'och'
ut li tiikil ch'oolej taakub'eeq chaq sa' choxa.
13A' ajwi' li Qaawa' taak'ehoq qasahilal;
k'ajo' naq taa'uuchinq li qach'och'!
14K'amolb'ehaq li tiikilal chiru li Qaawa',
re xkawresinkil li b'e chiru.
Currently Selected:
Sal 85: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
