Sal 84
84
SAALM 84 (83)
Xrahinkil wank sa' rochoch li Yos
1Re li xjolomileb' laj b'ichanel. Rik'in li sítara re Gat. Xsaalm eb' li ralal xk'ajol laj Koré.
2K'ajo' xsahil li wank sa' laawochoch,
at Qaawa', at qaNimajwal Yos!
3Ninjiq' linch'ool ut naxamnak li waanm
xb'aan xrahinkil wank sa' xneb'aal laamuheb'aal.
Ninsaho'k sa' linjunxaqalil
chirix li Qaawa', li yo'yookil Yos!
4A'atq li tz'unun xtaw xna'aj sa' laawochoch
ut li wilix xk'ojob' xsuk b'arwi' xk'eheb' li xkok' ral:
nach' rik'ineb' laa'artal, at Nimajwal Yos,
at inRey, at inNa' at inYuwa'!
5Us xaq reheb' li neke'hilank sa' laawochoch
ut neke'xnima aawu chi junelik.
6Us xaq reheb' li k'ojk'o xch'ooleb' aawik'in,
eb' li neke'raj wulak toj sa' laamuheb'aal.
7Naq toxe'nume'q sa' li Taq'a re li Yaab'ak,
te'xsutq'isi li na'ajej cho'q yu'amha',
ut li xtiklajik li hab'alq'e k'ajo'aq li rosob'tesihom sa' xb'een.
8Neke'taqen-kub'en, yookeb' chi xik chi anchaleb' xch'ool
toj reetal toxe'ril ru li yo'yookil Yos aran Sión.
9At Qaawa', at qaNimajwal Yos, chinaawab'i taxaq,
chak'e sa' aach'ool lintij, at xYos laj Jakob!
10At qaYos, chawil chaq laj k'aak'alehom qe,
chak'e taxaq laawilob'aal sa' xb'een li sik'b'il ru aab'aan.
11Jwal us cho'q we li wank jun kutankaq sa' xneb'aal laamuheb'aal
chiru linwanjik sa' li wochoch chiru k'iila chihab';
q'axal ninrahi ru hilank sa' xmu rochoch linYos
chiru li wank sa' xmuheb'aaleb' li ink'a' useb' xch'ool.
12Xb'aan naq li Qaawa' a'an li naqakol wi' qib' ut nokooxkutanob'resi;
a'an nokoorusila ut nak'ehok qaloq'al.
Li Qaawa' naxhoy li rusilal sa' xb'eeneb' li neke'b'eek sa' tiikilal.
13At Qaawa', at qaNimajwal Yos,
us xaq re li k'ojk'o xch'ool aawik'in!
Currently Selected:
Sal 84: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
