Sal 83
83
SAALM 83 (82)
Li Qaawa' ut eb' li xik' neke'ilok re li xtenamit
1Xb'ich ut xsaalm laj Asaf.
2At Qaawa', matkanaak chi ch'anch'o,
matmemo'k taxaq ut mathilank chik!
3Chak'e reetal chanru neke'xmululi rib' eb' li xik' neke'ilok aawe;
eb' laj xik'il uuchinel aawe xe'xtaqsi xjolomeb'.
4Neke'xk'uub' ch'a'ajkilal sa' muqmu chirix laatenamit,
neke'xyoob' raaxiik' chirixeb' li sik'b'ileb' ru aab'aan:
5“Kimqex -chankeb'-;
qasachaqeb' ru sa' xyanqeb' li tenamit,
mi'ab'imank chik li xk'ab'a'eb' laj Israel!”.
6Jo'ka'in xe'k'uub'ank chi junaj ru xch'ooleb',
xe'xk'amchi'i rib' chi xxik'b'al aawilb'al:
7eb' li ralal xk'ajol aj Edom ut eb' laj Ismael,
eb' laj Mohab ut eb' laj Hagar,
8eb' laj Kebal, eb' laj Amón ut eb' laj Amalek,
eb' laj Filistea rochb'eeneb' laj Tiro.
9Eb' laj Asur ajwi' xe'xjunaji rib' rik'ineb',
yookeb' chi xtenq'ankil eb' li ralal xk'ajol laj Lot.
10Chab'aanu taxaq reheb' jo' xab'aanu reheb' laj Madián,#83,10 Jue 7,1-23.
jo' xab'aanu re laj Sísara ut laj Jabín chire li nima' Kisón.#83,10 Jue 4,6-22.
11Xe'sache'k ru aran Endor
ut xe'kanaak cho'q xq'emal ru li ch'och'.
12Chab'aanu aj tawi' reheb' laj k'amol xb'eheb'
jo' xab'aanu re laj Oreb ut laj Seheb.#83,12 Jue 7,25.
Jo' xe'xk'ul laj Sébaj ut laj Salmuná,#83,12 Jue 8,12.
jo'kanaqeb' taxaq chixjunil li xninqaleb' ru winq.
13Eb' a'an xe'xye: “Qachapaq cho'q qe li reechanihom li Yos!”.
14At inYos, chak'eheb' chi k'ame'k xb'aan li muqyax,
jo'kaqeb' ta li k'im li nachiq'leek xb'aan iq'.
15Jo' li xam naxk'at li k'iche',
jo' li raq'xam naxsacheb' li tzuul,
16jo'kanaq taxaq naq chawaanilasiheb' rik'in laakaqsut-iq',
chaxib'esiheb' rik'in li muqyax.
17Kanab'eb' sa' xutaan chi junajwa
re naq tate'xsik', at Qaawa'.
18Che'kanaaq sa' xutaan
ut numtajenaqeb' xxiw chi junelik;
che'sachq xch'ool ut che'oso'q,
19re naq te'xnaw naq laa'at li Qaawa',
ka'ajwi' laa'at li Nimajwal Yos sa' xb'een chixjunil li ruuchich'och'.
Currently Selected:
Sal 83: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
