Sal 82
82
SAALM 82 (81)
Xaqlin, at Qaawa', re raqok aatin sa' ruuchich'och'
1Xsaalm laj Asaf.
Li Qaawa' naxaqliik sa' xyanqeb' li wankeb' sa' li loq'laj ch'utam,
ut naraqok aatin sa' xyanqeb' li wankeb' xwankil:
2“Jo' najtil chik texraqoq aatin sa' b'alaq'il,
jo' najtil chik yooqex chi xtenq'ankil eb' li ink'a' useb' xna'leb'?
3Chexraqoq aatin chirix li toq'ob'aal ru ut li neb'a'yox;
chetenq'aheb' li wankeb' sa' rahilal ut sa' rajb'al ru.#82,3 Ex 23,6; Dt 1,17.
4Chekolaq li neb'a' ut li maak'a' xwankil;
cherisihaqeb' sa' ruq' li ink'a' us xna'leb'.
5“Ab'an laa'ex maak'a' nekenaw
chi moko neketaw xyaalal,
chanchan sa' aak'ab' nekexb'eek;
nahich'len chixjunil li rub'elankil li ruuchich'och'.
6Laa'in xinye: «Yosex laa'ex,#82,6 Jn 10,34.
ralalex li Nimajwal Yos chejunilex!».
7Ab'an texkamq chejunilex jo' nakamk junaq winq,
tex'oso'q kama' neke'oso'k li ninqeb' xwankil”.
8Xaqlin, at Qaawa', ut raqon aatin sa' xb'een li ruuchich'och',
xb'aan naq laa'at laj eechal re chixjunileb' li tenamit!
Currently Selected:
Sal 82: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
