Sal 80
80
SAALM 80 (79)
Loq'laj tij chirixeb' laj Israel
1Re li xjolomileb' laj b'ichanel. Taab'ichamanq jo' chanru li xyaab': “Eb' li xliryo li sumwank”. Xsaalm laj Asaf.
2Ab'i, at Qaawa' aj k'aak'alehomat re laj Israel,
laa'at li nakatb'eresink re laj José jo' jun ch'uut chi karneer.
Laa'at li k'ojk'ookat sa' xyanqeb' li kerubín#80,2 Ex 25,18-22; 1 S 4,4; Is 37,16; Ez 1,26-28.
chak'ut xnimal aawankil
3chiru laj Efraín, laj Benjamín ut laj Manasés.
Chak'ut wi' chik laawankil ut chuloohaatenq'a!
4At Qaawa', choohaawaklesi wi' chik,
choohaawil rik'in xnimal laawusilal, ut tookole'q!
5At qaNimajwal Yos, jo' najtil chik yooq laajosq'il sa' qab'een,
sa' xb'een laatenamit li yo chi tz'aamank chawu?
6Cho'q qatzekemq xak'e junes yaab'ak;
xiikil li xya'al qu xak'eheb' chi quk'.
7Xoohaak'e chi se'eek xb'aaneb' li tenamit nach'eb' qik'in;
k'ajo' naq nokoohe'xhob' eb' li xik' neke'ilok qe!
8At qaNimajwal Yos, choohaawaklesi wi' chik,
choohaawil rik'in xnimal laawusilal, ut tookole'q!
9Xamich' chaq jun toon chi uub' sa' li tenamit Ejiipt
ut xawisiheb' li poyanam sa' li qana'aj
re naq wanq junelik arin;
10xayamtesi li na'ajej,
ut li jun toon chi uub' xxe'eni chaq rib'
toj reetal xnujob'resi li ruuchich'och'.
11Ut xmuheela chixjunileb' li tzuul,
eb' li ruq' xe'numtaak sa' xb'eeneb' li yaw k'ajo'eb' xteram;
12xe'wulakje'k li ruq' toj sa' li palaw,
ut eb' li xtux xe'nimank toj sa' li nima' Éwfrates.
13K'a'ut naq xajuk' li tz'ak sutsu wi'?
Chixjunileb' li neke'nume'k sa' b'e neke'xsik' li ru;
14nachoye'k xb'aan li chakow elenaq sa' li k'iche'
ut nat'upiik xb'aaneb' li josq' aj xul.#80,9-14 Is 5,1-7.
15At qaNimajwal Yos, sutq'isi chaq aawib',
choohaawil chaq toj sa' choxa,
chak'e reetal, chulaawil laawawimq
16ut chach'oolani li k'aru xawaw rik'in laawuq'!
17Che'sache'q ru xb'aan laajosq'il
chixjunileb' li xe'xyok' ut xe'xk'at laawawimq.
18Ab'an junelik taxaq wanq laawuq'
sa' xb'een li awab'ej wank chak'atq,
sa' xb'een li ralal li winq li xakawub'resi cho'q aawe.
19Maajoq'e chik toonajto'q aawik'in;
chak'e qayu'am ut tqayaab'a laak'ab'a'.
20At qaNimajwal Yos, choohaawaklesi wi' chik,
choohaawil rik'in xnimal laawusilal, ut tookole'q!
Currently Selected:
Sal 80: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
