Sal 79
79
SAALM 79 (78)
Rahil ch'oolej chirix li xpo'lemil Jerusalén
1Xsaalm laj Asaf.
At Qaawa', eb' li poyanam xe'okje'k sa' laach'och',
xe'xmux ru laaloq'laj ochoch,
xe'xkanab' chi po'lemil laatenamit Jerusalén.#79,1 2 R 25,8-10; 2 Kr 36,17-19; Jr 52,12-14; Lm 1,1-10.
2Xe'xkanab' li xch'och'el xsululeb' laj k'anjel chawu
cho'q xtzekemqeb' li xul neke'xik'ank chiru choxa;
xe'xk'e ajwi' li xtib'eleb' laawamiiw chi xtiweb' li josq' aj xul.
3Kama' li ha' naq xe'xhoy li xkik'eleb' chi xsutam Jerusalén,
ut maajun xmuquk reheb'!
4Xutaanalo wi' chiruheb' li tenamit nach' wankeb',
eb' li wankeb' chi qasutam nokoohe'xse'e ut nokoohe'reetz'u.
5Toj jo' najtil chik yooq laajosq'il, at Qaawa'?
Ma junelik taak'atoq laajosq'il kama' li xam?
6Chapo' laach'ool sa' xb'eeneb' li poyanam li ink'a' neke'xnaw aawu,
sa' xb'eeneb' li tenamit li ink'a' neke'xyaab'a laak'ab'a'.
7Xb'aan naq xe'xsach ru laj Jakob,
xe'xpoqle chixjunil li reechanihom.#79,6-7 Jr 10,25.
8Ink'a' taxaq chijultiko'q aawe li xmaakeb' li qaxe' qatoon;
xb'aan xnimal laarahom seeb'a chaq aawib' chi qatenq'ankil:
q'axal ra wanko, ink'a' chik naqakuy.
9At Qaawa', at aj Kolol qe, choohaatenq'a taxaq,
sa' xk'ab'a' li xnimal aaloq'al.
Choohaakol taxaq, chakuy chasach ta qamaak
sa' xk'ab'a' laawankilal ut laatiikilal.
10K'a'ut naq te'xye eb' li poyanam:
“B'ar wank li xYoseb'?”.#79,10 Jl 2,17; Mi 7,10.
Chak'ut taxaq chiqu, sa' xyanqeb' li poyanam,
naq laa'at nakaweeqajuni li xkik'eleb' laj paab'anel.
11Chiwulaq ta aawik'in li xyaab' xkuxeb' li wankeb' sa' tz'alam;
rik'in xwankilal laatel chakoleb' taxaq
li ak teneb'anb'il kamk sa' xb'eeneb'.
12Q'axal xate'xhob' li tenamit li nach' wankeb':
chak'e reeqaj a'an, at Qaawa',
wuqub' sut ta chik che'xkul reeqajunkil!
13Ut laa'o laatenamit,
aakarneer li nakab'eres laa'at,
tooyoxinq chawu chi junelik
ut tqapuktesi resil li xnimal aaloq'al junq'e junq'e kutan.
Currently Selected:
Sal 79: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
