Sal 77
77
SAALM 77 (76)
Li xk'ulumeb' laj Israel
1Re li xjolomileb' laj b'ichanel jo'wi' re laj Jedutún. Xsaalm laj Asaf.
2Nataqe'k xyaab' linkux toj rik'in li Qaawa'
naq ninjap we chi tz'aamank;
nataqe'k xyaab' linkux toj rik'in li Yos,
ut a'an taasumenq we.
3Naq wankin sa' rahilal, ninsik' li Qaawa',
ut chi q'eq ink'a' ninhilank chi xye'b'al li wuq' chi elajink;
ab'an ink'a' nintaw xk'ojob'ankil li waanm.
4Ninjiq' linch'ool naq najultiko'k we li Yos;
k'ajo' naq nayot'e'k li waanm naq yookin chi k'oxlak.
5Ink'a' nikinaak'e chi wark, at Qaawa',
tik sachso linna'leb' ut ink'a' chik ninru chi aatinak.
6Nanaqk sa' inch'ool li k'aru xqak'ul chaq najter;
7najultiko'k we eb' li chihab' xlaje'nume'k,
ninnumsi li q'oqyink chi k'oxlak sa' li waanm,
nink'oxla rix ut junelik ninye:
8“Ma chi junajwa xoxtz'eqtaana li Qaawa'?
Ma tik ink'a' chik tuloorusilaatina?
9Ma chi junajwa xlajk li xrahom?
Ma tik ink'a' chik taa'ab'imanq li Raatin?
10Ma xsachk tawi' sa' xch'ool li Yos naq A'an chaab'il,
malaj xtz'ap ta sa' raanm li xrahom xb'aan li xjosq'il?”.
11Ut ninye: “A' awe' naraho'k wi' linch'ool:
naq li Nimajwal Yos xjal li xk'a'uxl sa' qab'een”.
12Najultiko'k we li xninqal ru xb'aanuhom li Qaawa'
ut wank sa' inch'ool li sachb'ach'oolej kab'aanu junxil;
13nink'am xk'oxlankil rix chixjunil laab'aanuhom
ut naweek'a wib' xb'aan jo'nimal kilajaab'aanu.
14At inYos, k'ajo' xsantilal laak'a'uxl!
Ma wank ta chik junaq q'axal nim xwankil jo' li qaYos?
15Laa'at li Yos li nakatb'aanunk sachb'ach'oolej,
kak'ut xnimal aawankil sa' xyanqeb' li tenamit;
16rik'in laanim uq' kakol laatenamit,
a'eb' li ralal xk'ajol laj Jakob ut laj José.
17At inYos, katril li palaw,
katril li palaw ut ki'ok xxiw;
k'ajo' naq kixsiksiki rib' li xchamal li ha'.#77,17-21 Ex 14,21-22.
18Eb' li choql ke'xhoy chaq li hab',
ki'eek'anje'k li kaaq sa' choxa,
chanchaneb' ral simaj naq ke'replokje'k li raq'kaaq.
19Li xyaab' li kaaq ki'ab'iik sa' li kaqsut-iq'
ut kisaqeno'k li ruuchich'och' xb'aan li raq'kaaq.
K'ajo' naq kihich'leek li ch'och' xb'aan li hiik.
20Laa'at katnume'k sa' li palaw;
sa' xchamal li ha' katnume'k chaq
ut ink'a' kik'utunk xna'aj laawoq.
21Kama' jun teep chi karneer naq kab'eres laatenamit;#77,21 Sal 78,52; Is 63,11-14.
ut kak'eheb' laj Moisés ut laj Aharón cho'q aj k'amol xb'eheb'.
Currently Selected:
Sal 77: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
