Sal 76
76
SAALM 76 (75)
Laa'at xiwajel aawu, at Qaawa'
1Re li xjolomileb' laj b'ichanel. Rik'ineb' li wajb' li wankeb' li ru. Xsaalm ut xb'ich laj Asaf.
2Nawno ru li Yos xb'aaneb' laj Judá,
q'axal nim xk'ab'a' sa' xyanqeb' laj Israel.
3Li xmuheb'aal li Qaawa' wank Jerusalén,
li xloq'laj ochoch wank sa' li tzuul Sión.
4Aran kixtoqi eb' li ral simaj ut li koleb',
eb' li ch'iich' ut chixjunileb' li k'anjelob'aal re yalok.
5K'ajo' xlemtz'unkil laaloq'al, at Qaawa',
q'axal nim laawankil
chiruheb' li najteril tzuul.
6Warenaqeb' li jwal kaweb' rib',
ut xmaq'mank chiruheb' chixjunileb' li k'anjelob'aal re yalok;
jo'k'ihaleb' li wankeb' xwankil moq'mo xe'kanaak.
7At xYos laj Jakob,
eb' li b'eleb'aal ch'iich' ut eb' li kawaay
ink'a' chik xe'eek'ank sa' xna'ajeb' naq xaxib'esiheb'.
8Laa'at xiwajel aawu;
ani ta tixkuy wank chawu naq nachalk laajosq'il?
9Toj sa' choxa xatraqok chaq aatin;
k'ajo' naq xxiwak li ruuchich'och' ut mem xkanaak,
10naq laa'at xatxaqliik chi raqok aatin
re xkolb'al chixjunileb' li toq'ob'aal ru sa' ruuchich'och'!
11Li xjosq'il li winq taasutq'iiq chi b'ich re xnimankil aawu,
ut chixjunileb' li xe'kole'k chiru laajosq'il
tate'xsut jo' jun koroon.
12K'ehomaq re li Qaawa' leeYos li k'aru xeyeechi'i;
chek'am chaq leemayej
laa'ex li wankex chi xsutam li Xiwajel ru:
13a'an na'isink re xyu'am eb' li neke'taqlank
ut naxib'esi chixjunileb' li awab'ej sa' ruuchich'och'.
Currently Selected:
Sal 76: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
