Sal 75
75
SAALM 75 (74)
Laj raqol aatin a'an li Qaawa'
1Re li xjolomileb' laj b'ichanel. “Matsachok”. Xsaalm ut xb'ich laj Asaf.
2Nokooyoxink chawu, at Qaawa',
nokooyoxink chawu!
Naqayaab'a laaloq'laj k'ab'a'
ut naqapuktesi resil li sachb'ach'oolej xlajaab'aanu.
3Xyehom li Qaawa':
“Sa' li honal xaqxo inb'aan
a' ajwi' laa'in tinraqoq aatin sa' tiikilal.
4Us ta taahiich'anq li ruuchich'och' rochb'eeneb' li poyanam,
ab'an laa'in tinkuutunq re.
5Ninye reheb' li q'etq'et: «Meeq'etq'eti chik eerib'»;
ut reheb' li ink'a' useb' xna'leb':
«Meenima chik eerib';
6mi q'axal eenimob'resi chik leewankil
ut mexhob'ok chik»”.
7Li raqb'a aatin ink'a' nachalk sa' releb'l saq'e malaj sa' rokeb'l,
chi moko sa' ta li chaqich'och' malaj sa'atqeb' li tzuul;
8a' li Qaawa' laj raqol aatin:
jun ta tixsach xwankil,
ut jun ta chik tixk'e xloq'al.
9Wank jun sek' sa' ruq' li Qaawa',
wank jun li uk'leb' sek' nujenaq chi k'ahil ha':
a'an tixk'e chi uk'e'k toj reetal taachoye'q
xb'aaneb' chixjunil li ink'a' useb' sa' ruuchich'och'.#75,9 Jr 25,15-29; Ez 23,32-34; Hab 2,16; Ap 14,10; 16,19.
10Ut laa'in junelik tinpuktesi resil li xloq'al;
tinb'ichanq, tinwajb'aq cho'q re li xYos laj Jakob
11xb'aan naq trisiheb' sa' xwankil chixjunil li ink'a' useb' xna'leb',
ab'an taaxaqab'aaq xwankil li tiik ru xyu'am.
Currently Selected:
Sal 75: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
