Sal 70
70
SAALM 70 (69)
Seeb'a chaq aawib' chintenq'ankil
(Sal 40,14-18)
1Re li xjolomileb' laj b'ichanel. Xsaalm laj David. Re xjultikankil.
2At inYos, kim chinkolb'al!
At Qaawa', seeb'a chaq aawib' chintenq'ankil!
3Che'kanaaq sa' xutaan ut che'sachq sa' xch'ool
chixjunileb' li neke'ajok inkamsinkil.
Che'sutq'iiq chirixeb' chi sachsooqeb' xna'leb'
eb' li neke'ajok xb'aanunkil maa'usilal we.
4Che'q'ajq chirixeb' xb'aaneb' xxutaan
eb' li neke'se'enk we: “Ja, ja!”, chankeb'.
5Ab'an che'nujaq rik'in nimla sahil ch'oolej
chixjunileb' li neke'sik'ok aawe.
Che'xye chi junelik
jo'k'ihaleb' li neke'rahok re laakolom:
“Q'axal nim li Qaawa'!”, cha'qeb'.
6At inYos, maak'a' wank we ut q'axal toq'ob' wu;
seeb'a chaq aawib' chintenq'ankil.
Laa'at laj tenq'ahom ut laj kolol we;
matb'ayk chaq, at Qaawa'.
Currently Selected:
Sal 70: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
