Sal 67
67
SAALM 67 (66)
Che'b'anyoxinq chawu chixjunileb'
1Re li xjolomileb' laj b'ichanel. Rik'ineb' li wajb' li wankeb' li ru. Saalm ut b'ich.
2Li Qaawa' chiruxtaana taxaq qu
ut choorosob'tesi taxaq.
Chixk'ut taxaq chiqu li xrahom,
3re naq chinawmanq li rajom sa' ruuchich'och';
che'xnaw taxaq chixjunileb' li tenamit
naq a'an laj Kolonel.
4At Qaawa', che'b'anyoxinq taxaq chawu li tenamit,
che'b'anyoxinq taxaq chawu chixjunileb'!
5Che'saho'q ut che'b'ichanq li poyanam,
xb'aan naq sa' tiikilal nakajolomiheb' li tenamit;
laa'at nakab'eresi chixjunil li ruuchich'och'.
6At Qaawa', che'b'anyoxinq taxaq chawu li tenamit,
che'b'anyoxinq taxaq chawu chixjunileb'!
7Li ch'och' ak xk'ehom li xloq'laj awimq:
li qaYos yo chi qosob'tesinkil.
8Li Qaawa' chi'osob'tesinq taxaq qe!
Chixjunil li ruuchich'och' che'xnimaaq ru li qaYos!
Currently Selected:
Sal 67: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
