Sal 64
64
SAALM 64 (63)
Eb' li neke'q'ab'ank te'xtoj li xmaakeb'
1Re li xjolomileb' laj b'ichanel. Xsaalm laj David.
2At inYos, chinaawab'i taxaq sa' linrahilal;
chinaakol chiruheb' li xik' neke'ilok we.
3Chinaamuq chiruheb' li neke'k'uub'ank raaxiik',
chiruheb' li neke'xmululi rib' chi xb'aanunkil li maa'usilal.
4Neke'xq'esna li ru'uj raq'eb' jo' li q'esnal ch'iich',
ut li aatin neke'xye chanchan li ral simaj wank xmay,
5re xkutb'al chi muqmu sa' xb'een li maak'a' xmaak,
re xkutb'al chi junpaat, chi maak'a'eb' xxiw.
6Neke'xk'e xkawil xch'ooleb' chirib'ileb' rib'
re xb'aanunkil li maa'usilal;
ut neke'xk'uub' xk'eeb'al li ra'al sa' muqmu:
“Maa'ani toxril a'in, chankeb'.
7Ani tab'i' taak'ehoq reetal li k'aru yooko?”.
Neke'xyoob' raaxiik' ut neke'xmuq li ralahomeb' xch'ool,
xb'aan naq k'ajo' xchamal li xch'ool ut xk'a'uxl li winq.
8Ab'an li Yos xkutuk chi simaj
ut chi junpaat xe'tiq'e'k sa' xjunxaqalileb';
9xe't'ane'k xb'aan li raatineb',
ut eb' li xe'ilok reheb' xe'xb'anb'ani li xjolomeb'.
10Chixjunileb' te'chalq xxiw:
te'xpuktesi resil li xb'aanuhom li Yos
ut te'xtaw xyaalal li k'aru kixb'aanu.
11Sahaq xch'ool laj paab'anel
ut taamuhenq rik'in li Qaawa';
ut chixjunileb' li tiikeb' ru xyu'am te'saho'q sa' xk'ab'a' A'an!
Currently Selected:
Sal 64: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
