Sal 62
62
SAALM 62 (61)
Ka'ajwi' rik'in li Yos k'ojk'o li waanm
1Re li xjolomileb' laj b'ichanel jo'wi' re laj Jedutún. Xsaalm laj David.
2Ka'ajwi' rik'in linYos nak'ojlaak linch'ool
ut rik'in a'an nachalk linkolb'al.#62,2-3 Sal 46.
3Ka'ajwi' a'an linsaqoonak ut li xkolb'al wib';
wi ninmuhenk rik'in,
ink'a' taach'inanq li waanm.
4Toj jo' najtil chik teekut eerib' sa' inb'een
laa'ex li wotz nekeraj int'anb'al,
kama' najuk'e'k junaq tz'ak xiw xiw wank
malaj junaq tz'ak ok re chi t'ane'k?
5Junes xsachb'al inwankil nekek'oxla,
ut rik'in li tik'ti' nasaho'k sa' eech'ool:
sa' leere wank li usilaatinak,
a'ut sa' leech'ool a' chik li maa'usilaatinak.
6Ka'ajwi' rik'in li Yos ninhilank,
xb'aan naq a'an li woyb'enihom.
7Ka'ajwi' a'an linsaqoonak ut li xkolb'al wib';
wi ninmuhenk rik'in,
ink'a' taach'inanq li waanm.
8Rik'in li Yos nintaw linkolb'al ut linloq'al:
a'an linsaqoonak ut linmuheelahom.
9Kawaq eech'ool rik'in chi junelik,
laa'ex li xloq'laj tenamit;
tehomaq leech'ool chiru:
li Yos a'an li nokoomuhenk wi'.
10Jun apunk ajwi' li xyu'ameb' li poyanam,
eb' li b'ihom jo' ajwi' eb' li neb'a'.
Wi ta te'b'ise'q chixjunileb' sa' xb'een li peex,
moko aaleb' ta raj chiru li sib'.
11Meekawub'resi eech'ool rik'in li rahob'tesink,
miwank xnimal eeroyb'enihom rik'in li elq'ak;
us ta taatamq leeb'ihomal,
ab'an mixik eech'ool chirix a'an.
12Li Qaawa' x'aatinak,
ut k'iila wa xwab'i a'in:
naq re li Yos chixjunil li wankilej.
13Aawe, at Qaawa', li chaab'ilal ut li usilal;
laa'at nakatq'ajkamunk re li junjunq
a' yaal chanru li xyehom ut li xb'aanuhom.#62,12-13 Job 34,11; Pr 24,12; Jr 17,10; Ez 18,30; 33,20; Eklo 16,12-14; Mt 16,27; Ro 2,6; Ap 2,23.
Currently Selected:
Sal 62: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
