Sal 61
61
SAALM 61 (60)
Junelik tinwanq sa' laamuheb'aal
1Re li xjolomileb' laj b'ichanel. Rik'ineb' li wajb' li wankeb' li ru. Xsaalm laj David.
2At inYos, chawab'i taxaq xyaab' linkux,
chasume taxaq lintij!
3Toj sa' chaq xmaril li ruuchich'och'
ninyaab'a laak'ab'a',
naq q'axal nayot'e'k li waanm.
Chinaab'eres toj sa' xb'een li saqoonak najt xteram,
4xb'aan naq laa'at nakatmuheelank we;
kama'at junaq kab'l li q'axal kaw rib'
chiru li xik' na'ilok we.
5Laa'in taxaq tinwanq junelik sa' laamuheb'aal,
chinmuhenq junelik rub'el laakupuhom!#61,5 Dt 32,10-11; Sal 17,8; 63,8; 91,4.
6At inYos, laa'at xawab'i linyeechi'om
ut xak'e we li reechanihom eb' li neke'paab'ank chawu.
7Chatiq roq li xyu'am li awab'ej
ut chiyo'yooq taxaq chiru naab'al chihab'.
8Chi'awab'ejinq junelik rub'el laawosob'tesihom,
chawil rik'in laarahom ut li xtiikilal aach'ool.
9Jo'kan naq tinb'ichanq junelik sa' laak'ab'a'
ut rajlal kutan tinb'aanu li xinyeechi'i aawe.
Currently Selected:
Sal 61: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
