Sal 108
108
SAALM 108 (107)
Eq'laakil tij ut xtz'aamahom li tenamit
(Sal 57,8-12; 60,7-14)
1Xb'ich ut xsaalm laj David.
2Ak yo'oon wank linch'ool, at inYos;
tinb'ichanq ut tinwajb'aq cho'q aawe.
Ajen, at waanm,
3ajenqex, ex aarp ut kitaar:
twaj rajsinkil li kutan naq taahik'e'q.
4Tinnima aawu sa' xyanqeb' li tenamit, at Qaawa';
tinb'icha laaloq'al sa' xyanqeb' li poyanam,
5xb'aan naq nim chik laarahom chiru li choxa,
ut li xtiikilal laach'ool nawulak toj sa'eb' li choql.#108,5 Sal 36,6.
6At inYos, chaterq'usi laawankil toj sa' xb'een li choxa,
ut chiwanq laaloq'al sa' chixjunil li ruuchich'och'!#108,6 Sal 8,2.
7Choohaasume chaq ut choohaakol rik'in xwankil laawuq',
re naq te'kole'q li raarookeb' aab'aan!
8Li Yos ki'aatinak chaq toj sa' li xloq'laj ochoch:
“Ok we chi xjachinkil Sikén chi sa sa' inch'ool,
tinb'is chixjunil li xtaq'ahil Sukot, chan.
9We laa'in li xsutam Galahad ut Manasés;
Efraín a'an xkoleb' linjolom
ut Judá a'an linloq'laj b'aar.
10Mohab a'an li emel xna'aj linch'ajleb';
tinkut linperxaab' sa' xb'een Edom,
ut tinb'ichanq xb'aan naq xinnumtaak sa' xb'eeneb' laj Filistea”.
11Ani taab'eresinq we toj sa' li kawub'resinb'il tenamit?
Ani taak'amoq linb'e chi xik toj Edom?
12At Qaawa', laa'at xatkanab'ank qe qajunes
ut ink'a' chik nakat-okenk chi yalok chiqix laa'o!
13Maak'a' na'ok wi' li xtenq'ahom li winq;
choohaatenq'a taxaq sa' li yalok.
14Qochb'een li Yos tqab'aanu sachb'ach'oolej;
a'an taasachoq xwankil eb' li xik' neke'ilok qe!
Currently Selected:
Sal 108: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
