Sal 106
106
SAALM 106 (105)
Li xnimal xkuyum li Yos rik'in li xtenamit
1Aleluya!
Chexyoxinq chiru li Qaawa' xb'aan naq chaab'il,
li xrahom wank chi junelik!#106,1 1 Kr 16,34; 2 Kr 5,13; 7,3; Esd 3,11; Sal 100,5; 107,1; 118,1; 136,1; Jr 33,11; Dn (dc) 3,89-90.
2Ani truuq tixseeraq'i chixjunileb' li sachb'ach'oolej
kixb'aanu li Qaawa'?#106,1-48 Ez 20,2-44.
Ani tixye resil chixjunil li xnimal xloq'al?
3Us xaq reheb' li neke'wank sa' tiikilal,
a'eb' li neke'b'aanunk li us chi junelik.
4Chinjultiko'q taxaq aawe, at Qaawa',
sa' xk'ab'a' xraab'al laatenamit;
chinaawula'ani taxaq ut chinaakol,
5re naq toxwil li xsahilaleb' xch'ool li sik'b'ileb' ru aab'aan,
chintz'aqonq sa' xsahojik laatenamit
ut chinnimob'resi wib' rik'in laaweechanihom.
6Xoomaakob'k chawu jo' ke'xb'aanu chaq eb' li qana' qayuwa',
xqaq'et laawaatin ut xqab'aanu li maa'usilal.
7Eb' li qana' qayuwa' aran Ejiipt
ink'a' ke'xtaw ru laaninqal ru eetalil;
ink'a' kinaqk sa' xch'ooleb' li xnimal laarahom,
ke'xq'etq'eti b'an rib' chiru li Nimajwal Yos chire li Kaqi Palaw.#106,7 Ex 14,10-12.
8Ab'an li Yos kixkoleb' sa' xk'ab'a' li xloq'al
re xk'eeb'al chi nawe'k li xwankilal.#106,8 Dt 7,7-8; Ez 20,9; 36,22-23.
9Kixq'us li Kaqi Palaw, ut a'an kichaqik;
kixnumsi li xtenamit sa' xyi li ha' chanchan sa' chaqich'och'.
10Kixkoleb' chiruheb' li ke'raj xrahob'tesinkileb';
kixmaq'eb' sa' ruq'eb' li xik' neke'ilok reheb'.
11Eb' laj Ejiipt ke'nuq'e'k xb'aan li palaw,
tik maajun reheb' ke'kole'k.
12Toja' naq eb' laj Israel ke'xpaab' raatin li Qaawa'#106,9-12 Ex 14,21-31.
ut q'axal ke'xb'icha li xwankil.#106,12 Ex 15,1-21.
13Ab'an sa' junpaat kisachk sa' xch'ooleb' li xb'aanuhom,
ink'a' ke'xk'uula sa' xch'ooleb' li xnimal xk'a'uxl li Yos.
14Naq wankeb' aran sa' li chaqich'och',
k'ajo' naq ke'ok chi atawank,
ut ke'xyal rix li Qaawa' sa' li junesal na'ajej.
15Ut li Yos kixk'e reheb' li k'aru ke'xtz'aama,
ut kixtaqla ajwi' jun xnimal rahilal sa' xb'eeneb'.#106,14-15 Nm 11,4-34.
16Sa' li na'ajej a'an ke'xkaqali laj Moisés,
jo' ajwi' laj Aharón, li sik'b'il ru xb'aan li Qaawa'.
17Ki'itz'e' li ch'och' ut kixnuq' laj Datán;
kitz'aponk ajwi' sa' xb'een li xmolam laj Abirón.
18Kilochk jun li xam sa' xb'eeneb' li neke'okenk chirixeb',
ut li raq'xam kixk'ateb' li ink'a' useb' xna'leb'.#106,16-18 Nm 16,1-35.
19Sa' li tzuul Horeb ke'xyiib' jun li wakax rik'in oor
ut ke'xhupub' rib' chi xloq'oninkil li pak'b'il ch'iich'.
20Ke'xtz'eqtaana li xloq'al li Qaawa',
ut a' chik li xjalam u jun wakax
li nawa'ok rax pim ke'xloq'oni.#106,20 Jr 2,11; Ro 1,23.
21Kisachk sa' xch'ooleb' li Yos laj Kolol reheb',
li kixb'aanu chaq xninqal eetalil aran Ejiipt:
22naq kixk'ut li sachb'ach'oolej sa' xch'och'el laj Kam
ut xninqal b'aanuhom chire li Kaqi Palaw.
23Toja' naq li Qaawa' kixye naq tixsacheb' ru,
ab'an laj Moisés, li sik'b'il ru xb'aan, kixram chiru
naq ki'aatinak chirixeb'
re naq ink'a' te'sache'q ru xb'aan li xjosq'il.#106,19-23 Ex 32,1-14.
24Ke'xtz'eqtaana li chaab'il ch'och'
ut ink'a' ke'xpaab' raatin li Yos.
25Naq wankeb' chaq sa' xmuheb'aaleb',
ke'xwech'i rix li Nimajwal Yos,
ut ink'a' ke'raj rab'inkil xyaab' xkux li Qaawa'.
26Toja' naq A'an kixtaqsi li ruq' ut kixye sa' jurament
naq toxkamsiheb' sa' li chaqich'och',#106,24-26 Nm 14,1-35.
27tixcha'cha'iheb' li ralal xk'ajol sa' xyanqeb' li tenamit,
ut tixsachb'esiheb' sa' xyanqeb' li poyanam.#106,27 Lv 26,33.
28Chi junpaat ke'xk'e rib' rub'el xwankil laj Bahal-Pehor
ut ke'xtzeka li k'aru mayejanb'il chiruheb' li kamenaqil yos.
29Jo'kan naq ke'xchiq' xjosq'il li Yos rik'in li xb'aanuhomeb',
ut jun raxkamk kitaqlaak chaq sa' xb'eeneb'.
30Toja' naq kiwakliik chaq laj Pinjás,
kiraqok aatin, ut kich'anaak li raxkamk:
31ut a'an kik'eemank sa' ajl jo' xtiikilal xch'ool
chi junelik q'e kutan.#106,28-31 Nm 25,1-13.
32Ke'xjosq'i li Qaawa' chire li ha' Meribá,
ut laj Moisés kik'uluk rahilal xmaakeb' a'an:
33kiraho'k xch'ool laj Moisés
ut ki'aatinak chi ink'a' kixnaw k'aru kixye.#106,32, 33 Nm 20,2-13.
34Ink'a' ke'xsach ruheb' li tenamit jo' ke'chaq'rab'iik wi' xb'aan li Qaawa',
35ke'xlaq'ab' b'an chik rib' rik'ineb' li maak'a'eb' xpaab'aal
ut ke'xtzol chixjunil li neke'xb'aanu a'an.
36Ke'ok chi xloq'oninkil li jalanil yos,
ut a'an kikanaak cho'q ra'al cho'q reheb' laj Israel.#106,34-36 Jue 2,1-3; 3,5-6.
37Ke'xmayeja eb' li ralal xk'ajol chiruheb' li maa'us.#106,37 2 R 17,17; Bar 4,7.
38Ke'xhoy li kik' li maak'a' xmuxul,
a' li xkik'el li ralal xk'ajoleb'
mayejanb'il chiruheb' li xyoseb' laj Kanahán.
Jo'kan naq kimuxmank li na'ajej rik'in kik',#106,38 Nm 35,33.
39ke'xtz'ajni rib' rik'in li xb'aanuhomeb',
ke'xmux rib' rik'in li maa'usilal ke'xb'aanu.
40Toja' naq kijosq'o'k li Qaawa' sa' xb'een li xtenamit:
k'ajo' naq kixtz'eqtaana li sik'b'ileb' ru xb'aan.
41Kixq'axtesiheb' sa' ruq'eb' li poyanam,
ut kixk'eheb' rub'el xwankil li neke'tz'eqtaanank reheb'.
42Ke'rahob'tesiik xb'aaneb' li xik' neke'ilok reheb',
ut ke'kanaak chi maak'a' chik xkawilaleb'.
43K'iila sut li Qaawa' kixkol li xtenamit,
a'ut eb' a'an ke'xq'etq'eti rib' chiru
ut ke'sub'e'k chi junajwa sa' li xmaakeb'.
44Ab'an li Qaawa' kiril xtoq'ob'aal ruheb'
ut kirab'i naq yookeb' chi ayaynak xb'aan li rahilal.
45Kijultiko'k re li Sumwank kixk'ojob' rik'ineb',
ut kixtoq'ob'a ruheb' jo' chanru li xnimal xrahom.
46Kixtoch' xch'ooleb' li wankeb' wi' chi preexil
re naq te'xtoq'ob'a ruheb'.#106,40-46 Jue 2,14,18.
47At Qaawa', at qaNimajwal Yos, choohaakol taxaq!
Choohaawisi sa' xyanqeb' chixjunil li poyanam ut choohaach'utub',
re naq tooyoxinq chawu ut tqanima laaloq'al!
48Usilaatinanb'il taxaq li Qaawa', xYos laj Israel,
chi junelik q'e kutan!
Ut chixjunil li tenamit che'xye: “Jo'kan taxaq!”.#106,47-48 1 Kr 16,35-36.
Aleluya!
Currently Selected:
Sal 106: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
