Sal 101
101
SAALM 101 (100)
Li xyeechi'om li awab'ej cho'q re li Qaawa'
1Xsaalm laj David.
Twaj xb'ichankil li rahok ut li tiikilal;
cho'q aawe, at Qaawa', tinb'ichanq.
2Twaj tinb'eeq sa' li b'e jwal chaab'il:
jo'q'e tatchalq wik'in, at inYos?
Tinwanq chi tuqtuuq inch'ool sa' li wochoch,
3ut ink'a' tink'e sa' xnaq' wu li ink'a' us.
Xik' nawil eb' li neke'xq'et xchaq'rab' li Yos
ut maajoq'e tinjunaji wib' rik'ineb'.
4Chinajto'q wik'in li ink'a' us xna'leb',
ink'a' nawaj rilb'al li nab'aanunk maa'usilal.
5Li naxyoob' aatin sa' muqmu chirix li ras riitz'in,
a'an tintz'eqtaana chi junajwa.
Li naxq'etq'eti rib' ut naxnima xwankil,
a'an ink'a' tinkuy xmaak.
6Taasaho'q li waanm rik'ineb' li tiikeb' xch'ool
re naq te'wanq wik'in.
A' li nab'eek sa' li b'e jwal chaab'il
a'an taakanaaq cho'q aj k'anjel chiwu.
7Laj b'alaq' ink'a' taahilanq sa' li wochoch,
ut laj tik'ti' ink'a' taawanq chiwu laa'in.
8Rajlal eq'la tinsach ruheb' li ink'a' useb' xna'leb',
ut twisi sa' li xtenamit li Qaawa'
jo'k'ihaleb' li neke'b'aanunk li maa'usilal.
Currently Selected:
Sal 101: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
