Pakɔsje 49
49
Maji kari ɔm məəi dɔ nébaoje’g ləi el
1Pa lə Koréje gə́ ar bao-pa mba karee ɔs sə dee lé
2Seḭ koso-dəwje lai lé maji kar sí ooje ta neelé.
Seḭ lai gə́ síje dɔ naŋg neelé
3Seḭ gə́ gɔ-gɔ gə seḭ gə́ boo-boo ləm,
Baoje gə njéndooje ləm tɔ lé urje mbi sí ya.
4Tam a teḛ gə ta kəmkàrje kar dee d’oo ləm,
Ŋgaw məəm kara takə̰jije gə́ gə goo rəbee ɓa taa loo keneŋ pəl-pəl ləm tɔ.
5M’ur mbim gèŋ dɔ gosotaje gə́ d’ula məəm’g ləm,
Ndu kṵdu-kag gə́ ɓar lé
Am m’un kudu kɔs ne pa ləm tɔ.
6See gə mba ɗi ba m’a ɓəl ndɔ némeeko̰
Loo gə́ néra gə́ kori-kori lə njékoma̰ səmje gugu dɔm sub lé wa.
7Deḛ lé némajije lə dee lé ɓa d’ɔm meḛ dee dɔ’g ləm,
Boo-nébaoje lə dee lé ɓa deḛ ti ne rɔ dee gə mbəa ləm tɔ.
8D’askəm kuga dɔ na̰ el ləm,
Gad lar dee kara d’askəm kar Ala el ləm tɔ.
9Lar kuga dɔ rɔ dee lé gadee dum dɔ loo,
D’a kiŋga lé nda̰ bèe el.
10D’a si gə no̰ dee el ləm,
D’a kaskəm kiya rɔ dee lal koo bwa-dɔɓar lé godo ləm tɔ.
11Mbata d’a kée ya, njékəmkàrje d’wəi ləm,
Mbə-dəw gə njegərnéel kara udu guduru ləm tɔ
Ndá d’ya̰ némajije lə dee d’ar dəwje gə́ raŋg.
12Deḛ d’ə̰ji meḛ dee’g pana:
Kəije lə neḛje d’a to saar gə no̰,
Loo-si neḛje lé a to gə ləbee-ləbee ya tɔ.
Deḛje neelé d’iŋga riɓar dɔ naŋg nee mba̰.
13Nɛ dəw gə́ to njeriɓar lé kuree əw el ləm,
Yeḛ to asəna gə da-kulje gə́ goré gwɔs dee bèe ya ləm tɔ.
14Yee ɓa gə́ rəw-kaw dee ləm, gə néra mbə lə dee ləm tɔ,
Deḛ gə́ njéndolè goo deeje lé tapa dee lel dee ya.
15D’ɔm dee ɓee lə yoo to gə́ koso-nékulje bèe
Ar yoo ɓa unda dee gə́ nésɔ ləa,
Waga ndá njéra nédanaje ɓa mbula dee naŋg gə gɔl dee ya ləm,
Kura lə dee sané pá ləma,
Ɓee lə yoo ɓa to loo-si dee ləm tɔ.
16Nɛ Ala a taa kankəmrɔm ɓee lə njé gə́ d’wəi’g
Mbata yeḛ a kaḭ bada dɔm’g.
17Maji kari ɓəl mbata lə dəw gə́ nébaoje ləa
D’ḭ dɔ maree’d gə́ kédé-kédé lé el ləm,
Esé gə mbata nébaoje gə́ mee kəi’g ləa
Gə́ d’ɔs goo na̰ goo na̰ el ləm tɔ,
18Mbata ndɔ kwəi ləa lé
Yeḛ a kun né kára kara jia’g el ləm,
Nébaoje neelé kara
D’a kaw ne gée’g nda̰ el ləm tɔ.
19Loo gə́ yeḛ si kəmba lé
Yeḛ ɔs gaji rəa dɔ rɔlel’g pi ləm,
Néje gə́ ari rɔlel lé
D’a pidii ne pi ləm tɔ.
20Lé bèe kara i a kaw loo-si bɔbije-je
Gə́ d’askəm kḭ keneŋ tel koo lookàr nda̰ el lé.
21Dəw gə́ d’ɔs gajee yaa̰ nɛ gosonégər ləa godo ndá
To kára ba asəna gə da-kulje gə́ goré gwɔs dee bèe ya.
Currently Selected:
Pakɔsje 49: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
