Pakɔsje 48
48
Sio̰ lé to ɓee lə Ala
1Pakɔs lə Koréje
2Njesigənea̰ lé to gə́ boo ya,
Yeḛ to gin ta pidije lai mee ɓee-boo’g lə Ala lə sí ləm,
Gə dɔ mbal’g ləa gə́ to gə kəmee kəm tɔ.
3Dɔ diŋgri mbal gə́ to mbal gə́ Sio̰ lé
To loo gə́ maji péd-péd ləm,
Yee to nérɔlel lə dəwje lai dɔ naŋg nee ləm tɔ,
Loo gə́ par gə́ dɔgel lé
To ɓee-boo lə mbai gə́ boi#Mat 5.35.
4Ala gə́ si kəi-mbai’g ləa lé
Dəwje gəree gə́ njo̰loo-kula-dɔ dee keneŋ gə́ to tar sab.
5Mbata aa ooje, mbaije d’ɔm na̰’d téréré,
D’ɔr rɔ d’aw rɔ gə Sio̰.
6Deḛ d’aa loo d’oo ndá d’aar dḭdiri-dḭdiri,
Ɓəl unda dee badə gaŋg dee ar dee buŋga na̰ d’aḭ ya.
7Nékunda bala tigi-tigi teḛ dɔ dee’g wai
Asəna gə ndóo gə́ ra dené ndɔ koji ŋgon’g lé.
8Deḛ tuba dee d’ɔm dee əw to gə́ lel gə́ ḭ bər lé
Təd ne batoje gə́ Tarsis’g kərm-kərm bèe.
9Ta gə́ deḛ pa gə́ j’oo lé jeḛ j’oo gə kəm sí
Mee ɓee-boo’g lə Njesigənea̰ gə́ njeboo-néje gə́ dara
Mee ɓee-boo’g lə Ala lə sí tɔ.
Ala nja a karee to keneŋ saar gə no̰ ya.
10Ǝi Ala, meemaji ləi lé jeḛ j’ə̰ji taree meḛ sí’g
Dan mee kəi’g ləi gə́ to gə kəmee.
11Ǝi Ala, to gə́ rii ɓar ɔr loo lɔi-lɔi lé
Ta pidii kara ɓar ɔr loo lɔi-lɔi dɔ naŋg nee tɔ.
Néra gə́ to gə dɔ najee lé taa mee jikɔli pəl-pəl.
12Njé gə́ dɔ mbal gə́ Sio̰ ra rɔlel ləm,
Deḛ gə́ mee ɓee-booje gə́ Juda kara d’al rɔ dee ləm tɔ
Mbata rəwta-gaŋgje ləi.
13Maji kar sí njaaje guguje gir ɓee gə́ Sio̰ lé ləm,
Njaaje dan mee ɓee’g ləm tɔ
Ndá turaje kəi-kaar-kɔgərɔje gə́ keneŋ ooje.
14Oreeje kəm sí sḭ dɔ ndògo’g ləa ləm,
Tḛje kəi-mbaije ləa soo-soo ləm tɔ.
Gə mba kɔr gée kar ginkaje gə́ gogo.
15Aa ooje, Ala gə́ to Ala lə sí saar-saar gə no̰ lé,
Yeḛ a to njekɔrno̰ sí saar ndɔ yoo sí ya.
Currently Selected:
Pakɔsje 48: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
