Pakɔsje 47
47
Maji kula rɔnduba dɔ Njedumdɔloo’g
1Pa lə Koréje gə́ d’ar bao-pa karee ɔs sə dee lé
2Seḭ koso-dəwje lai lé
Waje ji sí rag-rag!
Ɔrje ne ndu sí gə́ tar wəl
Gə rɔlel gə́ rɔ Ala’g lə sí ya.
3Mbata Njesigənea̰ gə́ Njekurdɔloo lé
To ɓəl kədm-kədm,
Yeḛ nja to mbai gə́ boo
Gə́ o̰ ɓee dɔ naŋg nee lai ya.
4Yeḛ ar koso-dəwje d’oso kul no̰ sí’g ləm,
Yeḛ ɔm ginkoji dəwje gə raŋg gin gɔl sí’g yəg ləm tɔ.
5Yeḛ unda kəm nénduba lə sí ar sí,
Yee ɓa to rɔnduba lə Jakob gə́ yeḛ undá dan kəmee’g.
6Ala al uru dan ndu pa kun baŋga’g ləm,
Njesigənea̰ lé njaa kəmee gə́ kédé-kédé dan ndu to̰to̰ gə́ ɓar’g ləm tɔ.
7Maji kar sí ɔsje pa arje Ala,
Ɔsje pa areeje!
Maji kar sí ɔsje pa arje mbai lə sí,
Ɔsje pa areeje ya!
8Mbata Ala to mbai gə́ o̰ ɓee dɔ naŋg nee lai,
Maji kar sí ɔsje pa kula rɔnduba dəa’g areeje ya!
9Ala o̰ ɓee dɔ ginkoji dəwje gə raŋg’g ya ləm,
Ala loo-siée to dɔ kalimbai’g ləa gə́ to gə kəmee ləm tɔ.
10Mbai dɔ ginkoji dəwje gə raŋg lé d’ɔm na̰’d
Gə koso-dəwje lə Ala lə Abrakam,
Mbata dər-rɔje gə́ dɔ naŋg nee to ka̰ Ala.
Yeḛ lé ur dɔ dəwje’g lai ya.
Currently Selected:
Pakɔsje 47: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
