Pakɔsje 10
10
Tamaji mba kar Ala gaŋg ne rəwta gə dɔ najee
1Ǝi Njesigənea̰, see ban ɓa i ɔs rɔi rɔm’g rəw wa.
See ban ɓa i iya səm rɔi pá ndɔ gə́ néurti teḛ wa.
2Ti gə́ njemeeyèr ti rəa lé
Aree tuba ne goo deḛ gə́ nékəmndoo teḛ dɔ dee’g,
Gosɔyèr gə́ yeḛ wɔji-kwɔji gə mba tuji dee ne lé wa dee ne ya.
3Njemeeyèr lé ti rəa dɔ mal né gə́ rəa’g,
Njekəmkəḭ ila ndɔl dɔ Njesigənea̰’g ləm,
Ǝ̰jee bəḭ-bəḭ ləm tɔ.
4Njemeeyèr lé pa gə kəsta pana:
Ala a kar bo̰ néra neḛ ɔs ta neḛ’g el.
Ala si gən pai godo.
Takə̰ji ləa ya lai nee ndá.
5Rəw-kabeeje lai to tag nea̰’g gə ndəa-ndəa,
Rəwta-gaŋg lə Ala yeḛ gər gelee el,
Yeḛ ti ɓɔlee koma̰ ne njéba̰je ləa lai.
6Yeḛ ə̰ji ta mée’g pana: Né a yə ŋgira neḛ el.
Loo ɔn dɔ neḛ mbèd ndá
Meeko̰ a koso dɔ neḛ’g nda̰ el.
7Tajikil ləm, gə ta sukəmloo ləma, gə kərgoso ləm tɔ rusu təa tub-tub,
Ta lèbè kəm dəwje gə ta néra gə́ kori-kori rusu gel ndəa̰ tɔ#Rɔm 3.14s.
8Yeḛ um loo gir ɓee’g ləm,
Yeḛ gə́ ta wa dəa el lé
Yeḛ tɔlee ŋgaŋ looje gə́ raga ləm tɔ,
Yeḛ orè kəmee sḭ dɔ deḛ gə́ nékəmndoo teḛ dɔ dee’g.
9Loo-siée’g lé yeḛ um loo asəna gə toboḭ gə́ to loo-tée’g bèe,
Yeḛ um loo mba kuba njenékəmndoo kwá
Ɓa yeḛ ɔsee ilá mee ba̰də’g ləa.
10Yeḛ udu dunee ŋguji ɓa rəm naŋg ndá
Njénékəmndooje d’oso meḛ jia’g.
11Yeḛ ə̰ji ta mée’g pana: Mee Ala wəi dɔ néra neḛ’g.
Kəm Ala libi dɔ’g ɓó yeḛ oo nda̰ el.
12Njesigənea̰, maji kari ḭta!
Ǝi Ala, maji kari un jii ɓidi gə́ tar ya kari!
Ar məəi wəi dɔ njénékəmndooje’g el.
13See ban ɓa njemeeyèr ila ndɔl dɔ Ala’g lé wa.
See ban ɓa yeḛ ə̰ji ta mée’g pana:
Yeḛ a kar bo̰ néra neḛ ɔs ta neḛ’g el wa.
14Nɛ i Njesigənea̰ i oo gao ya
Mbata i oo néurti gə né gə́ too gə́ ra dəwje lé
Gə mba kari oso ne gel dee’g,
Bèe ɓa njénékəmndooje nduna ne rɔ dee kaari’g ləm,
I nja ɓa to njela gə ŋganalje ləm tɔ.
15Maji kari guru kag ji njemeeyèr lé
Ar bo̰ nérea gə́ yèr ɔs təa’g ləm,
Aree sané kəmi’g pá ləm tɔ.
16Njesigənea̰ to mbai gə́ gə ləbee-ləbee saar-saar gə no̰,
Ginkoji dəwje gə raŋg gə́ to njémeeyèrje lé
D’udu bo̰ mee ɓeeko̰’g ləa lé.
17Ǝi Njesigənea̰, i oo ndu ndiŋga rɔ lə deḛ gə́ né ula kəm dee ndòo lé.
I orè meḛ dee més ləm,
I tuga mbii oo ne ta lə dee ləm tɔ
18Gə mba gɔl ne ta lə ŋganalje
Gə deḛ gə́ d’ula kəm dee ndòo lé gə goo rəbee ləm,
Gə mba kar dəw gə́ to nduji naŋg lé
Ǝw rəa kula ɓəl meḛ mareeje’g ləm tɔ.
Currently Selected:
Pakɔsje 10: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
