Pakɔsje 11
11
Njesigənea̰ to njo̰loo lə njéra nédanaje
1Pa lə Dabid gə́ ar bao-pa mba karee ɔs sə dee lé.
Ma lé njo̰loo-kula-dɔm to rɔ Njesigənea̰’g ya,
Ŋga see gelee ban ɓa seḭ ulamje pajena:
Maji kam m’aḭ gə́ dɔ mbalje’g lé to gə́ yel bèe wa.
2Mbata aa ooje, njémeeyèrje lé
Kə ɓandaŋgje lə dee mber-mber ləm,
D’unda kandə ɓandaŋg lə dee dɔ kúla’g njoroŋ ləm tɔ
Gə mba kuru gə goo ŋgəḭ dɔ deḛ gə́ to njéra nédanaje’g.
3Loo gə́ gin néje lai yə ɓugu-ɓugu ndá
See ɗi ɓa njemeekarabasur lé a ra wa.
4Njesigənea̰ si mee kəi’g ləa gə́ to gə kəmee doi lé ya.
Njesigənea̰ lé kalimbai ləa to mee dara’g,
Kəmee ɓa aa ne loo gərərə ləm,
Kəmee lé tən ne dəwje soo-soo ləm tɔ.
5Njesigənea̰ lé naa meekuru lə njemeekarabasur ya.
Nɛ njemeeyèr gə njera né kərm-kərm lé yeḛ ə̰ji dee bəḭ-bəḭ.
6Njesigənea̰ ar kɔr pər, gə pər, gə kṵji pər gə́ teḛ bilim-bilim lé
Er dɔ njémeeyèrje’g to gə́ ndi bèe ləm,
Lel-mal gə́ nuŋga gə́ ɓir lé
Yee ɓa gə́ né gə́ wɔji dɔ dee ya ləm tɔ.
7Mbata Njesigənea̰ lé to njemeekarabasur ya
Né gə́ to gə dɔ najee lé ɓa taa kəmee rəgm.
Deḛ gə́ to njéra nédanaje lé d’a kaa kəmee gərərə ya.
Currently Selected:
Pakɔsje 11: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
