1 Sôrta Gḭka-Israɛlje 7

Ŋgaka Isakar

1Ŋgalə Isakar ɓa ri dee to nee: Tola, gə Pua, gə Jasub, gə Simro̰, deḛ sɔ. 2Ŋgalə Tola ɓa ri dee to nee: Uji, gə Repaja, gə Jeriel gə Jamai, gə Jibsam, gə Samel gə́ to mbai dɔ gel-bɔje lə dee gə́ Tola lé deḛ to diŋgamje gə́ njésiŋgamoŋje ya mbuna njéboakojije’g lə dee, bula lə deḛ gə́ mee ndəa’g lə Dabid lé d’as tɔl-dɔg-loo rɔ-joo gir-dee joo gə dɔ dee tɔl-misa̰ (22.600). 3Ŋgolə Ujia to Jisrahja. Ŋgalə Jisrahja ɓa ri dee to nee: Mikaɛl, gə Abdias, gə Joɛl, gə Jisija, deḛ lai to mbaije mi, 4Deḛ gə́ d’aw sə dee gə goo njéboakojije lə dee ləm, gə goo gel-bɔje lə dee ləm tɔ lé to njérɔje gə́ d’as tɔl-dɔg-loo rɔ-munda giree-misa̰ (36.000), gə́ kai dee gə kudu dee kudu dee d’ɔm nérɔ ji dee’g, mbata denéje lə deḛ gə ŋgan deeje bula yaa̰ tɔ. 5Ŋgako̰ deeje gə goo gel-bɔje lə Isakar lai lé to diŋgamje gə́ njésiŋgamoŋje ya lai d’as tɔl-dɔg-loo rɔ-jinai-joo giree-siri (87.000) gə́ ndaŋg ri dee mbuna ginkojije’g lé.

Ŋgaka Bḛjami gə Neptali

6Ŋgalə Bḛjami ɓa ri dee to nee: Bela, gə Beker gə Jediael, deḛ munda. 7Ŋgalə Bela ɓa ri dee to nee: Esbo̰, gə Uji, gə Ujiel, gə Jerimot gə Iri, deḛ gə́ mi gə́ to mbai dɔ gel-bɔje lə dee lé, deḛ to diŋgamje gə́ njésiŋgamoŋje gə́ ndaŋg ri dee mbuna ginkojije’g lé, bula d’as tɔl-dɔg-loo rɔ-joo gir-dee-joo dɔ dee rɔ-munda-gir-dee-sɔ (32.034). 8Ŋgalə Beker ɓa ri dee to nee: Jəmira, gə Joas, gə Eliéjer, gə Eljoenai, gə Ɔmri, gə Jeremot, gə Abija, gə Anatot, gə Alemet, deḛ lai neelé to ŋgalə Beker 9gə́ deḛ ndaŋg ri dee mbuna ginkojije’g ləm, gə goo njéboakojije’g lə dee asəna gə mbai dɔ gel-bɔje lə dee ləm tɔ lé to diŋgamje gə́ njésiŋgamoŋje gə́ bula d’as tɔl-dɔg-loo-rɔ-joo dɔ dee tɔl-joo (20.200). 10Ŋgolə Jediael lé ria lə Bilan. Ŋgalə Bilan ɓa ri dee to nee: Jus, gə Bḛjami, gə Ehud, gə Kenaana, gə Jetan, gə Tarsis gə Ahisahar, 11deḛ lai neelé to ŋgalə Jediael mbai dɔ gel-bɔje lə dee ləm, diŋgamje gə́ njésiŋgamoŋje bula d’as tɔl-dɔg-loo dɔg giree-siri gə dɔ dee tɔl-joo (17.200) ləm tɔ lé to deḛ gə́ d’askəm kodo nérɔje kaw ne loo rɔ’g.

12Supim, gə Hupim to ŋgalə Ir, Usim to ŋgolə Aher.

Ŋgalə Neptali gə ŋgalə Manasə

13Ŋgalə Neptali ɓa ri dee to nee: Jasiel, gə Guni, gə Jeser, gə Salum to ŋgalə Bila.

Ŋgaka Manasə

14Ŋgolə Manasə lé ria lə Asriel, yeḛ ojee gə gamla-dené ləa gə́ to dəw gə́ Siri, dené neelé oji Makir gə́ to bɔ Galaadje tɔ. 15Makir taa dené ar Hupim gə Supim. Konanee lé ria lə Maaka. Ŋgonee gə́ njekɔm’g joo lé ria lə Selopad, Selopad oji ŋganje gə́ dené ba ya. 16Maaka, dené lə Makir lé oji ŋgon gə́ diŋgam ndá unda ria lə Peres, ri ŋgokea̰ lə Seres ləm, ri ŋgalə Seres ɓa nee: Ulam gə Rekem tɔ. 17Ŋgolə Ulam lé ria lə Bedan.

Deḛ nee ɓa to ŋgalə Galaad gə́ to ŋgolə Makir gə́ to ŋgolə Manasə lé.

18Konanee Hamoléket oji Isɔd, gə Abiejer gə Makla. 19Ŋgalə Semida ɓa ri dee to nee: Ahjan, gə Sikem, gə Likhi gə Aniam.

Ŋgaka Eprayim

20Ŋgolə Eprayim ɓa ria to nee: Sutela, Sutela oji Bered, Bered oji Tahat, Tahat oji Eləada, Eləada oji Tahat tɔ, 21Tahat oji Jabad, Jabad oji Sutela, Sutela oji Ejer gə Eləad. Dəwje gə́ Gat gə́ d’oji dee mee ɓee’g neelé tɔl dee mbata deḛ d’aw gə mba ɓogo nékulje lə dee tɔ. 22Bɔ deeje gə́ Eprayim wa ndòo yoo dee kuree əw, bèe ɓa ŋgakea̰je ree gɔl mée. 23Tɔɓəi yeḛ aw rɔ dené’g ləa ndá yeḛ əskèm oji ŋgon gə́ diŋgam, deḛ d’unda ria lə Beria mbata meeko̰ gə́ to mee kəi’g ləa lé. 24Ŋgonee gə́ dené ria lə Sera lé to njekunda Bet-Oron gə́ bər ləm, gə Bet-Oron gə́ tar ləma, gə Ujen-Sera ləm tɔ. 25Beria oji Repa, Repa oji Resep, Resep oji Telah, Telah oji Tahan, 26Tahan oji Laedan, Laedan oji Amiud, Amiud oji Elisama, 27Elisama oji Nun, Nun oji Juje.

28Loo gə́ deḛ d’iŋga gə́ né ka̰ dee gə mba kisi keneŋ neelé to Betel gə ɓee-kogoje ləa as bèe: par gə́ bər lé to Naaran, par gə́ dɔ-gó lé to Gejer gə ɓee-kogoje ləa ləm, gə Sikem gə ɓee-kogoje ləa saar teḛ Gaja gə ɓee-kogoje ləa ləm tɔ.

29Ŋgaka Manasəje d’iŋga Bet-Səan gə ɓee-kogoje ləa ləm, gə Taanak gə ɓee-kogoje ləa ləm, gə Megido gə ɓee-kogoje ləa ləma, gə Dor gə ɓee-kogoje ləa ləm tɔ.

To mee ɓeeje neelé ɓa ŋgalə Jisəb gə́ to ŋgolə Israɛl lé d’isi keneŋ.

Ŋgaka Aser

30Ŋgalə Aser ɓa ri dee to nee: Jimna, gə Jisba, gə Jisbi, gə Beria, gə Serah gə́ to kɔnan dee lé. 31Ŋgalə Beria ɓa ri dee to nee: Heber, gə Malkiel. Malkiel to bɔ Birjabitje. 32Heber oji Japlet, gə Somer, gə Otam, gə Sua gə́ to kɔnan dee lé. 33Ŋgalə Japlet ɓa ri dee to nee: Pasak, gə Bimhal, gə Asbat. Deḛ nee lé to ŋgalə Japlet. 34Ŋgalə Semer ɓa ri dee to nee: Ahi, gə Rohega, gə Huba, gə Aram. 35Ŋgalə Helem gə́ to ŋgokea̰ ɓa ri dee to nee: Sopah, gə Jimna, gə Seles, gə Amal. 36Ŋgalə Sopah ɓa ri dee to nee: Sua, gə Harneper, gə Sual, gə Beri gə Jimra, 37gə Beser gə Hod, gə Sama, gə Silsa, gə Jitran gə Beera. 38Ŋgalə Jeter ɓa ri dee to nee: Jepune, gə Pispa gə Ara.

39Ŋgalə Ula ɓa ri dee to nee: Ara, gə Haniel gə Risja.

40Deḛ lai neelé to gə́ ŋgaka Aser gə́ to mbai dɔ gel-bɔje lə dee ləm, to bao-rɔje gə njésiŋgamoŋje ləma, to mbaije gə́ njékaa dɔ dəb-ɓeeko̰je ləm tɔ gə́ ndaŋg ri dee lé d’as diŋgamje tɔl-dɔg-loo rɔ-joo gir-dee-misa̰ (26.000) neelé to deḛ gə́ d’askəm kodo nérɔje kaw ne loo rɔ’g tɔ.

Currently Selected:

1 Sôrta Gḭka-Israɛlje 7: SBA2015

Highlight

Copy

Compare