1 Sôrta Gḭka-Israɛlje 8
8
Ri ŋgaka Bḛjami gə́ raŋg
1Bḛjami oji Bela ŋgondəree ləm, Asbel to njekɔm’g joo ləm, Ahrah to njekɔm’g munda ləm, 2Noka to njekɔm’g sɔ ləma, Rapa to njekɔm’g mi ləm tɔ. 3Ŋgalə Bela ɓa ri dee to nee: Adar, gə Gera, gə Abihud, 4gə Abisua, gə Naaman, gə Ahoah, 5gə Gera, gə Sepupan gə Huram tɔ.
6Aa ooje, ŋgalə Ehud gə́ to mbai dɔ gel-bɔje mbuna njé gə́ Geba gə́ deḛ d’wa dee d’aw sə dee Manahat lé ɓa ri dee to nee: Naaman, gə Aija, gə Gera. 7Gera gə́ njekwa dee kaw sə dee lé oji Uja gə Ahihud.
8Loo gə́ Saharayim tuba Usim gə Baara gə́ to denéje ləa mba̰ ndá yeḛ oji ŋganje mee ɓee gə́ Moab. 9Deḛ gə́ yeḛ oji dee gə dené ləa Hodes lé ɓa ri dee to nee: Jobab, gə Sibja, gə Mesa gə Malkam, gə Jus, Sakia gə Mirma. 10Deḛ nee ɓa to ŋganeeje gə́ to mbai dɔ gel-bɔje lé ya. 11Deḛ gə́ yeḛ oji dee gə Usim ɓa ri dee to nee: Abitub, gə Elpaal. 12Ŋgalə Elpaal ɓa ri dee to nee: Eber, gə Misəam, gə Semer, yeḛ gə́ tum gin ɓee-booje gə́ Ono, gə Lɔd gə ɓee-kogoje ləa lé tɔ.
13Beria gə Sema gə́ to mbai dɔ gel-bɔje mbuna deḛ gə́ d’isi Ajalo̰ lé d’ar njé gə́ Gat d’aḭ. 14Ahjo, gə Sasak, gə Jeremot, 15gə Jebadja, gə Arad, gə Eder, 16Mikaɛl, gə Jispa, gə Joha, deḛ to ŋgalə Beria.
17Jebadia gə Mesulam gə Hijki, gə Heber, 18gə Jismerai, gə Jislia gə Jobab deḛ to ŋgalə Elpaal.
19Jakim, gə Jikri, gə Jabdi, 20gə Elienai, gə Siltai, gə Eliel, 21gə Adaja, gə Beraja, gə Simrat gə́ to ŋgalə Simei.
22Jispan, gə Heber, gə Eliel, 23gə Abdon gə Jikri, gə Hanan, 24gə Hanania, gə Elam, gə Antotija, 25gə Jibdeja gə Penuel deḛ to ŋgalə Sasak. 26Samserai, gə Seharia, gə Atali, 27gə Jaresia, gə Elija gə Jikri gə́ to ŋgalə Jeroham tɔ. 28Deḛ neelé ɓa to mbai dɔ gel-bɔje ləm, deḛ to mbaije gə goo njéboakojije lə dee ləm tɔ. Deḛ d’isi Jerusalem ya.
29Bɔ Gabao̰je si ɓee gə́ Gabao̰, dené ləa ria lə Maaka tɔ. 30Abdon to ŋgondəree tɔɓəi ŋganeeje gə́ raŋg ɓa ri dee to nee: Sur, gə Kis, gə Baal, gə Nadab, 31gə Gedor, gə Ahjo, gə Jeker. 32Miklot oji Simea. Deḛ kara d’isi gə ŋgako̰ deeje na̰’d Jerusalem mbɔr dee’g ya tɔ.
Ŋgaka Sawul
1SgI 9.39-44
33Ner oji Kis, Kis oji Sawul, Sawul oji Jonatan, gə Malki-Sua, gə Abinadab, gə Esbaal. 34Ŋgolə Jonatan ndá ria lə Merib-Baal. Merib-Baal oji Mika. 35Ŋgalə Mika ɓa ri dee to nee: Pito̰, gə Melek, gə Taerea, gə Ahas. 36Ahas oji Jeoada, Jehoada oji Alemet, gə Ajmabet, gə Jimri, 37Jimri oji Mosa, Mosa oji Binea. Binea oji Rapa, Rapa oji Eləasa, oji Asel, 38Eləasa oji Asel, Asel lé ŋganeeje gə́ diŋgam deḛ misa̰, ri dee ɓa nee: Asrikam, gə Bokru, gə Ismael, gə Səaria, gə Abdias gə Hanan. Deḛ lai neelé to ŋgalə Asel ya.
39Ŋgalə Esek gə́ to ŋgokea̰ lé ɓa ri dee to nee: Ulam ɓa gə́ ŋgondəree, gə Jus to gə́ njekɔm’g joo, ɓa Elipelet to njekɔm’g munda tɔ. 40Ŋgalə Ulam to njésiŋgamoŋje gə́ gər kur ɓandaŋg, deḛ lé d’aw gə ŋganje bula yaa̰ ləm, gə ŋgan meḛ ŋgan deeje bula yaa̰ ləm tɔ d’as tɔl dɔ dee rɔ-mi (150) ya.
Deḛ lai neelé to ŋgaka Bḛjami tɔ.
Currently Selected:
1 Sôrta Gḭka-Israɛlje 8: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
