NA SERE I SOLOMONI 6
6
1Sa lako kivei ko koya ko sa lomana,
Ko iko sa matavinaka cake vei ira na yalewa?
Sa lesu tani kivei ko koya ko sa lomana?
Me datou vakasaqarai koya kei iko.
2O koya ka'u sa lomana sa lako sobu ki na nona were, ki na
loga kau boi vinaka,
Me kana e na veiwere, ka doloka na viavia.
3Au sa nei koya ka'u sa lomana, a sa noqu ko koya ka'u sa lomana:
Sa vakania na nona qele ni sipi e loma ni viavia.
4Ko sa matavinaka, na wekaqu, me vakataki Tirisa,
Ka rairai vinaka me vakataki Jerusalemi, Ka rerevaki me vaka nai valu sa vakadrotini.
5Mo vagolea tani vei au na matamu,
Ni sa rawai au:
A drau ni ulumu sa vaka na qele ni me
Sa rairai mai Kiliati.
6A batimu sa vaka na qele ni sipi yalewa
Sa lako cake mai nai silisili,
Sa dui luvei drua yadua,
Ka sa sega vei ira sa sega ni luvea.
7Sa vaka na tiki ni pomekaraneti na nomu kanavalavala
Sa puloutaki tu.
8Sa lewe onosagavulu na ranadi, ka lewe walusagavulu na watina lalai,
Kei na goneyalewa sa sega ni wili rawa.
9Ia na noqu ruve, na noqu ka savasava sa dua bauga;
Na luve i tinana e dua bauga,
Ko koya ga na gone ni toko nei koya ka vakasucuma.
Era raici koya ko ira na goneyalewa, ka vosavakalougatataki koya;
Ko ira talega na ranadi kei ira na watina lalai, a ra vakacaucautaki koya.
10O cei ko koya sa kida mai me vaka na mataka,
Sa weweli me vaka na vula,
Sa serau tu me vaka na mata-ni-siga, Ka rerevaki me vaka nai valu sa vakadrotini?
11Au a lako sobu ki na were ni amodi
Me'u raica na vuata mai na buca,
Me'u raica na veivaini se sa tubu vinaka se segai, Kei na pomekaraneti se sa kubu, se segai.
12Ni'u sa bera ni kila, sa vakauqeti au na yaloqu me'u vodo e na nodra qiqi na turaga ni noqu tamata.
13Mo lesu mai, mo lesu mai, na Sulamaiti;
Mo lesu mai, mo lesu, me keitou raici iko.
A cava mo dou raica vua na Sulamaiti?
Sa vaka na mataivalu e rua sa dua vata ga.
Currently Selected:
NA SERE I SOLOMONI 6: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
