NA SAME 91
91
O ira na yalododonu, era sa maroroi vinaka e na vuku ni ra vakararavi tiko vua na Kalou.
1O koya sa tiko e na nona yasana vuni ko Koya na Cecere sara,
Ena tiko ga e na yaloyalo i Koya sa Kaukauwa.
2Au na kaya e na vuku i Jiova, O koya ga na noqu i drodro kei na noqu bai ni valu:
Na noqu Kalou; au na vakararavi vua.
3Ni na vakabulai iko dina mai na nona tudai na tamata sa daubiri dai,
Kei na mate ca e dauveiveitauvi.
4Ena vakarurugi iko e na lawena,
Ia ko na vakararavi ki na ruku ni tabana:
Ena nomu i sasabai kei na nomu i vakaruru na nona yalodina.
5O na sega ni rerevaka na ka e daurerevaki e na bogi,
Se na gasau sa vuka voli e na siga;
6Se na mate dauveiveitauvi sa lako voli e na butobuto;
Se na vu ni veivakamatei sa dauia e na siga levu.
7Ena bale e dua na udolu ki na ligamu i mawi,
Ka tini na udolu ki na ligamu i matau;
Ia ena sega ni yacovi iko.
8Ko na raica wale ga e na matamu,
Ka kunea nai sau ni tamata i valavala ca.
9Ni ko sa kaya sa noqu i drodro ko Jiova!
Ko sa vakabauti Koya na Cecere sara me nomu i tikotiko;
10Ena sega kina ni yacovi iko e dua na ka ca,
Ena sega talega ni torova na nomu vale e dua na mate dauveiveitauvi.
11Ni na vakaroti ira na nona agilose ko koya e na vukumu,
Me ra maroroi iko e na nomu i lakolako kecega.
12Era na keveti iko e na ligadra,
De sa tavutu ki na vatu na yavamu.
13O na butuka na laioni kei na gata loa:
Na laioni kaukauwa kei na gata ko na buturaka sara.
14Ni sa lomani au ko koya, ka'u na vakabulai koya kina:
Au na vakaceceretaki koya sara ni sa kila na yacaqu.
15Ena tagi vei au, ia ka'u na vakarorogo vua:
Au na tiko vata kaya ni sa yacovi koya na rarawa;
Au na vakabulai koya ka dokai koya;
16Au na vakamamautaki koya e na bula dede,
Ka vakaraitaka vua ni'u sa vakabulai koya tiko.
A Same ni Siga Tabu.
Currently Selected:
NA SAME 91: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
