Popular Bible Verses from NA SAME 91

Share

Au na kaya e na vuku i Jiova, O koya ga na noqu i drodro kei na noqu bai ni valu: Na noqu Kalou; au na vakararavi vua.

O koya sa tiko e na nona yasana vuni ko Koya na Cecere sara, Ena tiko ga e na yaloyalo i Koya sa Kaukauwa.

Ena tagi vei au, ia ka'u na vakarorogo vua: Au na tiko vata kaya ni sa yacovi koya na rarawa; Au na vakabulai koya ka dokai koya

Ni na vakaroti ira na nona agilose ko koya e na vukumu, Me ra maroroi iko e na nomu i lakolako kecega.

Ena vakarurugi iko e na lawena, Ia ko na vakararavi ki na ruku ni tabana: Ena nomu i sasabai kei na nomu i vakaruru na nona yalodina.

Ni ko sa kaya sa noqu i drodro ko Jiova! Ko sa vakabauti Koya na Cecere sara me nomu i tikotiko; Ena sega kina ni yacovi iko e dua na ka ca, Ena sega talega ni torova na nomu vale e dua na mate dauveiveitauvi.

Ni na vakabulai iko dina mai na nona tudai na tamata sa daubiri dai, Kei na mate ca e dauveiveitauvi.

Ena bale e dua na udolu ki na ligamu i mawi, Ka tini na udolu ki na ligamu i matau; Ia ena sega ni yacovi iko.

O na sega ni rerevaka na ka e daurerevaki e na bogi, Se na gasau sa vuka voli e na siga; Se na mate dauveiveitauvi sa lako voli e na butobuto; Se na vu ni veivakamatei sa dauia e na siga levu.