NA SAME 92
92
A ka vinaka na vakavinavinaka vua na Kalou, 1-4. A ka levu na nona cakacaka, kei na nona lewa, 5-8. Era na cudruvi na tamata ca, ka ra na vinaka tiko na tamata dodonu, 9-15.
1A ka vinaka me ia na vakamolimoli vei Jiova,
Ka me serevaka na vakavinavinaka ki na yacamuni, oi kemuni sa Cecere sara:
2Me dautukuna na nomuni yalololoma e na mataka,
Kei na nomuni lomadina e na veibogi,
3E nai qiriqiri e tini na kena wa, kei na soliteri;
Kei na api e domo vinaka.
4Ni kemuni sa vakamarautaki au, Jiova, e na nomuni cakacaka:
Au na rekitaka na cakacaka ni ligamuni.
5I Jiova, a ka levu na nomuni cakacaka!
A ka titobu na nanuma ni lomamuni.
6A tamata yalovakamanumanu sa sega ni kila;
Kei na tamata lialia sa sega ni vuku rawa e na ka oqo.
7Ni ra sa tubu me vaka na co ko ira nai valavala ca,
Ka sa bulabula na daucaka ca;
Sa ka ga me ra kawaboko laivi:
8Ia koi kemuni Jiova, sa Cecere sara ka sega ni mudu.
9Ni ra na rusa laivi vakaidina, Jiova, ko ira na nomuni meca;
Ia ko ira dina na nomuni meca;
Era na dui vakasevi tani ko ira kecega na daucaka ca.
10Ia na noqu i leu ko na laveta cake me vaka nai leu ni iunikoni:
Au na lumuti e na waiwai vou.
11Ia ena raici ira na noqu meca na mataqu,
Ka rogoca na daligaqu ni ra rusa na tamata i valavala ca era tu cake me ra vakacacani au.
12Ena bulabula na yalododonu me vaka na balabala:
Ena tubu tiko me vaka na sitari mai Lepanoni.
13O ira era tei e na vale i Jiova
Era na bulabula e na lomanibai ni noda Kalou.
14Era na vuavua tiko ni ra sa qase mai;
Era na drokadroka ka bulabula;
15Me vakatakila ni sa yalododonu ko Jiova:
A noqu uluvatu ko koya, ka sa sega vua na caka cala.
Currently Selected:
NA SAME 92: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
