NA SAME 84
84
Sa gadreva vakalevu me lako ki na vale ni Kalou.
Vua na Domo-ni-sere e na Kitica. A nodra Same na luve i Kora.
1A ka domoni vakaidina na nomuni vale,
Jiova ni lewe vuqa!
2Sa guta vakalevu na yaloqu, ia sa mate e na via tiko e na lomanibai i Jiova:
Sa tagica na Kalou bula na lomaqu kei na lewequ.
3Io, sa kunea na vale na separo,
Kei na kakabace na nonai su, me vakalutulutu kina,
Io, na nomuni cabocabo-ni-soro, Jiova ni lewe vuqa,
Na noqu Tui, kei na noqu Kalou.
4Sa kalougata ko ira era tiko vakadua e nomuni vale:
Era sa ia tiko na vakavinavinaka vei kemuni. Sela.
5Sa kalougata na tamata ko ni sa vu ni nona kaukauwa;
Ka sa tiko e lomana na nomuni lakolako.
6Ni sa daulako e na Buca ni Wai ni mata sa cakava kina na mataniwai;
Ka sa sinai mai na uca e na mataniwai.
7Sa vakaikuritaki tikoga na nodra kaukauwa,
Ka ra sa dui rairai e na mata ni Kalou mai Saioni.
8I Jiova na Kalou ni lewe vuqa, ni rogoca na noqu masu:
Mo ni vaqara daligamuni mai, na Kalou i Jekope. Sela.
9Mo ni rai mai, na Kalou, na neimami sasabai.
Ka raica na matana ko ni a lumuta.
10Ni sa vinaka e dua na siga e na nomuni lomanibai ka ca e dua na udolu na siga e na tikina tani.
Ia ka'u sa vinakata ni'u sai vakatawa ni katuba ni vale ni noqu Kalou,
Ka cata ni'u sa tiko vakadua e nodra veivale laca nai valavala ca.
11Ia na Kalou ko Jiova na mata-ni-siga kei nai sasabai:
Ena solia ko Jiova na loloma kei na vakarokoroko:
Ena sega ni bureitaka e dua na ka vinaka vei ira era sa lako vakadodonu.
12I Jiova ni lewe vuqa,
Sa kalougata na tamata sa vakararavi vei kemuni!
Currently Selected:
NA SAME 84: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
