NA SAME 85
85
E na vuku ni loloma ni Kalou eliu sa masuta me yalololoma tiko.
Vua na Domo-ni-sere. A Same vei ira na luve i Kora.
1I Jiova, o ni sa yalovinaka ki na nomuni vanua:
O ni sa kauti ira tale mai na Jekope era a vakabobulataki.
2O ni sa bokoca na nodra caka ca na nomuni tamata,
O ni sa buluta na nodra i valavala ca kecega. Sela.
3O ni sa kauta tani sara na nomuni cudru:
O ni sa gole tani mai na nomuni cudru waqawaqa.
4Mo ni lesu mai vei keimami, na Kalou keimami bula kina,
Ka mo ni cegu ni cudruvi keimami tiko.
5Ena sega beka ni mudu na nomuni cudru vei keimami?
O ni na vakadedetaka beka na nomuni cudru me yacova nai tabatamata kecega?
6O ni na sega beka ni vakabulabulataki keimami tale:
Me ra reki tale e na vukumuni na nomuni tamata?
7Mo ni vakatakila, Jiova, vei keimami na nomuni yalololoma,
Ka mo ni solia vei keimami na bula maivei kemuni.
8Au na rogoca na ka ena kaya mai na Kalou ko Jiova:
Ni na tauca na vosa ni veivakacegui vei ira na nona tamata, kei ira na nona yalododonu: Ia me ra kakua ni lesu tale ki na ka lialia.
9E dina sa voleka na nona vakabulai ira era sa rerevaki koya;
Me lagilagi tiko kina na noda vanua.
10Sa veitavaki na loloma kei na dina;
Sa veireguci na yalododonu kei na veivinakati.
11Ena tubu ga e vuravura na ka dina;
Ka na rai sobu mai lomalagi na ka dodonu.
12Io, ena solia ko Jiova na ka vinaka;
Ena vuataka talega na vuata na noda vanua.
13Ena liutaki koya na cakacaka dodonu;
Ka kauti keda ki na sala sa lako kina ko koya.
Currently Selected:
NA SAME 85: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
